Funny Video: ఈ టెక్నిక్ తెలియక ఎంత సేపు వెయిట్ చేస్తాం.. ఓ వ్యక్తి రోడ్డు దాటడానికి ఎలాంటి ట్రిక్ ఉపయోగించాడో చూడండి..
ABN, First Publish Date - 2023-10-17T16:46:32+05:30
ప్రస్తుతం మహా నగరాల్లో మనుషుల సంఖ్యతో సమానంగా వాహనాల సంఖ్య కూడా వేగంగా పెరుగుతోంది. ఏ సమయంలోనైనా రోడ్లు వాహనాలతో బిజీ బిజీగా ఉంటున్నాయి. నడిచి వెళ్లే వారు అడుగు తీసి అడుగు వేయడం కూడా కొన్ని మెట్రో నగరాల్లో కష్టమే. వాహనాలను తప్పించుకుని రోడ్డు దాటడానికి యుద్ధం చేయాలి.
ప్రస్తుతం మహా నగరాల్లో మనుషుల సంఖ్యతో సమానంగా వాహనాల (Vehicles) సంఖ్య కూడా వేగంగా పెరుగుతోంది. ఏ సమయంలోనైనా రోడ్లు వాహనాలతో (Traffic) బిజీ బిజీగా ఉంటున్నాయి. నడిచి వెళ్లే వారు అడుగు తీసి అడుగు వేయడం కూడా కొన్ని మెట్రో నగరాల్లో కష్టమే. ఇక వాహనాలను తప్పించుకుని రోడ్డు దాటడం (Crossing Road) అంటే మాటలతో పని కాదు. వాహనాల రద్దీ తగ్గే వరకు వెయిట్ చేయాల్సిందే. చాలా సేపు వెయిట్ చేసి జాగ్రత్తగా చూసుకుని రోడ్డు దాటాల్సి ఉంటుంది. అయితే ప్రస్తుతం వైరల్ (Viral Video) అవుతున్న ఓ వీడియో చూస్తే మాత్రం షాక్ అవ్వాల్సిందే.
ghantaa అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వ్యక్తి రోడ్డు దాటేందుకు ఒక వైపున వెయిట్ చేస్తున్నాడు. వాహనాలు వస్తూనే ఉండడంతో అతడికి రోడ్డు దాటడం కష్టంగా మారింది. చాలా టైమ్ పట్టేలా ఉంది అనుకున్నాడో, ఏమో ఓ మంచి ప్లాన్ వేశాడు. మోకాలిపై కూర్చుని వైకల్యం ఉన్న వ్యక్తిలా నటిస్తూ రోడ్డు మీదకు వచ్చాడు. దాంతో వెంటనే ఓ కారు ఆగింది. అందులోని డ్రైవర్ దిగి మిగతా వాహనాలను కూడా ఆపేశాడు (Funny Video).
Mother Emotional Story: నా జీతం రూ.18,500 మాత్రమేనంటూ ఈ తల్లి చెప్పిందంతా విని నెటిజన్ల కంట కన్నీరు.. కొడుకు కథేంటో తెలిసి..!
రోడ్డు దాటిన తర్వాత అందరి కళ్ల ముందే ఆ వ్యక్తి లేచి నిలబడి పరిగెత్తుకుంటూ వెళ్లిపోయాడు. దీంతో అందరూ షాకైపోయారు. ఈ ఫన్నీ వీడియో సోషల్ మీడియాలో వైరల్‌గా మారింది. ఈ వీడియోను లక్షల మంది వీక్షించారు. 12 వేల మందికి పైగా లైక్ చేశారు. ఈ వీడియోపై నెటిజన్లు ఫన్నీ కామెంట్లు చేస్తున్నారు. ``అద్భుతమైన ఐడియా``, ``దొరికి ఉంటే దెబ్బలు తినేవాడు`` అంటూ నెటిజన్లు ఫన్నీ కామెంట్లు చేస్తున్నారు.
Updated Date - 2023-10-17T16:46:32+05:30 IST