Metro Train: మెట్రో రైళ్లల్లో అన్నీ గొడవలే కాదండోయ్.. అప్పుడప్పుడు ఇలాంటివి కూడా జరుగుతాయ్..!
ABN, First Publish Date - 2023-09-13T10:41:18+05:30
ఇప్పుటి వరకు మెట్రో రైళ్లలో సీట్ల కోసం మహిళల గొడవ దగ్గర నుండి కుర్రాళ్ల ర్యాంప్ వాక్ లు, డాన్సులు, ప్రేమికుల రోమాన్స్ వంటి దారుణాలు ఎన్నో చూడాల్సి వచ్చింది. కానీ ఈ పాపను చూస్తే..
మెట్రో రైలు అనే పేరు వింటే చాలామంది ప్రజలు ముఖం అదోలా పెడతారు. ఇప్పుటి వరకు మెట్రో రైళ్లలో సీట్ల కోసం మహిళల గొడవ దగ్గర నుండి కుర్రాళ్ల ర్యాంప్ వాక్ లు, డాన్సులు, ప్రేమికుల రోమాన్స్ వంటి దారుణాలు ఎన్నో చూడాల్సి వచ్చింది. యువత రీల్స్ చేయాలంటే మెట్రోలను కేంద్రకంగా చేసుకోవడం మెట్రోలను మరొక మెట్టు దిగజార్చిందనే చెప్పాలి. అయితే మెట్రో ట్రైన్ లో ఎప్పుడూ ఇలాంటి తలనొప్పి పనులే కాదు, అప్పుడప్పుడు మనసుకు ఆహ్లాదం కలిగించే సంఘటనలు కూడా చోటుచేసుకుంటాయి. మెట్రో ట్రైన్ లో ఓ చిన్నారికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఈ చిన్నారిని చూడటానికి రెండు కళ్ళు చాలడం లేదంటూ నెటిజన్లు కామెంట్స్ చేస్తున్నారు. ఈ వీడియోకు సంబంధించి పూర్తీ వివరాల్లోకి వెళితే..
మెట్రో రైళ్ళ(Metro trains)లో జిరిగే సంఘటనలకు సంబంధించి ఎన్నో వీడియోలు వైరల్ అవుతుంటాయి. సాధారణంగా ముంబై, ఢిల్లీ, హైదరాబాద్ మెట్రోలు ఎప్పుడూ హాట్ టాపిక్ గా నిలిచేవి. కానీ ఈసారి పశ్చిమ బెంగాల్(West Bengal) రాష్ట రాజధాని కోల్‌కతా(Kolkata) మెట్రోలో జరిగిన సంఘటన వైరల్ అవుతోంది. కోల్‌కతా మెట్రో(Kolkata Metro)లో ఓ చిన్నారి సందడి చేసింది. ఈ వీడియోలో ఎలాంటి అశ్లీలత లేదు. వీడియోలో ఒక చిన్న పాప(littel girl) పింక్ కలర్ చీర కట్టుకుంది, దానికి మ్యాచింగ్ బుట్టలు పెట్టి కుట్టిన పింక్ కలర్ బ్లౌజ్ వేసుకుంది. పెద్దవారిలాగా కొంగును తలమీద కప్పుకుంది. నుదుటన పాపిటిబిళ్ళ,తలమీద చిన్న కిరీటం, చేతులకు మ్యాచింగ్ గాజులు వేసుకున్న ఈ చిన్నారి జుట్టును ముడివేసి కొప్పు పెట్టి, కొప్పుకు ఎర్రని గులాబీలు పెట్టారు. సాంప్రదాయ గెటప్(littel girl traditional getup) లో ఈ చిన్నారి చూపరులను మైమరపిస్తోంది. ఈ చిన్నారి మెట్రో రైలులో రాడ్ పట్టుకుని నిలబడి ఉంటే ట్రైన్లో ఉన్న పలువురు తమ ఫోన్ లలో చిన్నారిని ఫోటోలు, వీడియోల రూపంలో బంధించారు. చిన్నారి ఒక చోట నుండి మరొక చోటుకు బుడి బుడి అడుగులు వేస్తుంటే చూడటానికి రెండు కళ్లు చాలడం లేదు.
Health Tips: రాత్రి పూట స్నానం చేసే అలవాటుందా? అయితే ఈ నిజాలు తెలుసుకోవాల్సిందే..
ఈ వీడియోను Kolkata_oikkotaan అనే ఇన్స్టాగ్రామ్(Instagram) పేజీ నుండి షేర్ చేశారు. ఈ వీడియో చూసిన నెటిజన్లు చిన్నారి గెటప్ కు ఫిదా అయ్యారు. 'లిటిల్ దుర్గా' అని పిలుస్తూ తెగ మురిసిపోతున్నారు. 'అయ్యో ఎంత అందంగా ఉందో బంగారు తల్లి' అని ఒకరు కామెంట్ చేశారు. 'ఈ చిన్నారిని చూస్తుంటే అమ్మవారిని చూసినట్టే అనిపిస్తోంది. ఎంత స్వచ్చంగా నవ్వుతోందో' అని మరొకరు కామెంట్ చేశారు. ఈ వీడియోను నాలుగు రోజుల కిందట ఇన్ట్రాగ్రామ్ లో పోస్ట్ చేయగా ఇప్పటికి 17లక్షలకు పైగా వీక్షించారు. వీక్షకుల సంఖ్య నిరంతరం పెరుగుతూనే ఉంది.
Health Tips: ఎండ లేకపోయినా సరే.. విటమిన్ డి ని పొందవచ్చు.. అందుకోసం ఇలా చేయండి..
Updated Date - 2023-09-13T11:34:17+05:30 IST