Viral: అమ్మ బాబోయ్.. ఇదేం మాయ.. ఈ ఫొటోలోని ఇద్దరు వ్యక్తులు ఎటు వైపు నడుస్తున్నారో చెప్పగలరా..?
ABN, First Publish Date - 2023-07-21T15:18:03+05:30
సోషల్ మీడియాలో నిత్యం పలు రకాల ఫొటోలు, వీడియోలు తెగ వైరల్ అవుతుంటాయి. వీటిలో కొన్ని నవ్వించేలా ఉంటే.. ఇంకొన్ని ఆశ్చర్యానికి గురి చేస్తుంటాయి. అలాగే మరికొన్ని ఫొటోలు, వీడియోలు మన కళ్లు, మెదడుకు పెద్ద పరీక్ష పెడుతుంటాయి. కొన్ని ఫొటోలు చూస్తే..
సోషల్ మీడియాలో నిత్యం పలు రకాల ఫొటోలు, వీడియోలు తెగ వైరల్ అవుతుంటాయి. వీటిలో కొన్ని నవ్వించేలా ఉంటే.. ఇంకొన్ని ఆశ్చర్యానికి గురి చేస్తుంటాయి. అలాగే మరికొన్ని ఫొటోలు, వీడియోలు మన కళ్లు, మెదడుకు పెద్ద పరీక్ష పెడుతుంటాయి. కొన్ని ఫొటోలు చూస్తే.. మన కళ్లను మనమే నమ్మలేని విధంగా ఉంటాయి. ప్రస్తుతం ఈ తరహా ఫొటో ఒకటి నెట్టింట తెగ వైరల్ అవుతోంది. దీన్ని చూసిన నెటిజన్లు ‘‘అమ్మ బాబోయ్.. ఇదేం మాయ’’.. అంటూ కామెంట్లు చేస్తున్నారు. ఇంతకీ ఈ ఫొటోలోని ఇద్దరు వ్యక్తులు ఎటు వైపు నడుస్తున్నారో మీరైనా చెప్పగలరా..?
ఆప్టికల్ ఇల్యూజన్‌కు (Optical illusion) సంబంధించిన ఫొటో ఒకటి సోషల్ మీడియాలో తెగ వైరల్ (Viral photo) అవుతోంది. మనం చూసేది ఒకటైతే.. అక్కడున్న సన్నివేశం మరోలా ఉంటుంది. నిశితంగా పరిశీలిస్తే తప్ప ఇలాంటి ఫొటోల్లోని అసలు రహస్యాన్ని కనిపెట్టలేం. ప్రస్తుతం వైరల్ అవుతున్న ఫొటోలో.. ఇద్దరు వ్యక్తులు మెట్లపై (Two people walking on the stairs) నడుచుకుంటూ వెళ్తున్నట్లుగా ఉంది. ఈ వ్యక్తులు పైకి ఎక్కుతున్నారా.. లేక కిందకు దిగుతున్నారా... అని ప్రశ్నిస్తూ ఫొటోను ఇన్‌స్టాగ్రామ్‍‌లో షేర్ చేశారు.
ఫొటోలో ఇద్దరు వ్యక్తులు ఒకరినొకరు మెట్లు ఎక్కుతున్నట్లు ఉంది. అయితే దీనిపై నెటిజన్లు వివిధ రకాలుగా స్పందిస్తున్నారు. వారిద్దరూ పైకి ఎక్కుతున్నారు అని, కిందకు దిగుతున్నారు.. అని, లేదు లేదు.. ఒకరు పైకి ఎక్కుతుంటే, ఇంకొకరు కిందకు దిగుతున్నారు అని, కాదు కాదు.. నేలపై మెట్ల తరహాలో పెయింట్ వేశారు.. వారిద్దరూ రోడ్డుపై నడుస్తున్నారు అని.. ఇలా ఒక్కొక్కరు ఒక్కోలా తమ అభిప్రాయాలను వ్యక్తం చేస్తున్నారు. ఈ పోస్టు ప్రస్తుతం వేలల్లో లైకులను సొంతం చేసుకుంది. ఇంకెందుకు ఆలస్యం, ఈ ఫొటొ చూడగానే మీకు ఏమనిపించిందో చెప్పండి..
Updated Date - 2023-07-21T15:18:03+05:30 IST