Mumbai: ముంబై లోకల్ ట్రైన్ ఎక్కాలంటే ఇలాంటి స్టంట్స్ చేయాల్సిందే.. వైరల్ అవుతున్న వీడియో చూసి షాకవుతున్న నెటిజన్లు!
ABN, First Publish Date - 2023-10-10T15:21:31+05:30
దేశంలోని ముంబై, ఢిల్లీ, బెంగళూరు, చెన్నై వంటి మెట్రో నగరాలు జనాలతో కిక్కిరిసిపోయి ఉంటాయి. అక్కడి పబ్లిక్ ట్రాన్స్‌పోర్ట్ వాహనాల్లో ప్రయాణించడం అంటే మాటలతో పని కాదు. ముఖ్యంగా లోకల్ రైళ్లు ప్రయాణికులతో రద్దీగా ఉంటాయి. ముంబై మహానగరంలో లోకల్ రైళ్లు ఎక్కేందుకు ప్రయాణికులు ఆపసోపాలు పడుతుంటారు.
దేశంలోని ముంబై, ఢిల్లీ, బెంగళూరు, చెన్నై వంటి మెట్రో నగరాలు జనాలతో కిక్కిరిసిపోయి ఉంటాయి. అక్కడి పబ్లిక్ ట్రాన్స్‌పోర్ట్ వాహనాల్లో ప్రయాణించడం అంటే మాటలతో పని కాదు. ముఖ్యంగా లోకల్ రైళ్లు (Local Trains) ప్రయాణికులతో రద్దీగా ఉంటాయి. ముంబై (Mumbai) మహానగరంలో లోకల్ రైళ్లు ఎక్కేందుకు ప్రయాణికులు ఆపసోపాలు పడుతుంటారు. ముంబై లోకల్ ట్రైన్‌లో (Mumbai Local Trains) సీటు దక్కించుకోవాలంటే రిస్క్ చేయాల్సిందే. అలాంటి వీడియో ఒకటి ప్రస్తుతం సోషల్ మీడియాలో వైరల్ (Viral Video) అవుతోంది.
వైరల్ అవుతున్న ఆ వీడియోలో ముంబై లోకల్ ట్రైన్ స్టేషన్‌లో ఆగింది. స్టేషన్‌లో రైలు ఆగగానే జనం రైలు తలుపులు తట్టడం మొదలుపెట్టారు. ఆటోమేటిక్ డోర్‌ను బలవంతంగా తెరుచుకునేలా చేశారు. ఆ తర్వాత ఒకరి తర్వాత ఒకరుగా లోపలికి వెళ్లడానికి ప్రయత్నించారు. ముంబైవాసులు ఎప్పుడూ ఇలాంటి ప్రమాదకరమైన విన్యాసాలు చేస్తుంటారని ఈ వీడియో చూస్తే అర్థమవుతుంది. ఇప్పటి వరకు దాదాపు 20,000 మంది ఈ వీడియోను లైక్ చేశారు.
Mobile: మొబైల్ పోయిందా? అయితే వెంటనే ఇలా చేయండి.. 190 ఫోన్లను రికవరీ చేసిన నొయిడా పోలీసులు!
వైరల్ అవుతున్న ఈ వీడియోపై నెటిజన్లు భారీ స్థాయిలో స్పందించారు. ``ముంబై వాసులు ట్రైన్ ఎక్కాలంటే ఇలాంటి సాహసాలు చేయాల్సిందే``, ``ఇలా రైల్లోకి దూసుకెళ్లడం తప్ప మరో మార్గం లేదు``, ``రైల్వే శాఖ ఇప్పటికైనా ముంబై వాసుల కష్టాలు పట్టించుకోవాలి``, ``ఇలాంటి ఎన్ని వీడియోలు చూసినా నాయకుల మనసు కరగదు`` అంటూ నెటిజన్లు కామెంట్లు చేశారు.
Updated Date - 2023-10-10T15:21:31+05:30 IST