Viral Video: చాలా రోజుల తర్వాత ఇంటికి వచ్చిన వ్యక్తి.. యజమానిని చూసిన ఆనందంలో ఆ పప్పీ రియాక్షన్ చూస్తే..
ABN, First Publish Date - 2023-11-19T20:31:36+05:30
విశ్వాసం, ప్రేమ, అభిమానం మాత్రమే చూపించే కుక్కలు, పిల్లులు వంటి జంతువులను పెంచుకునేందుకు చాలా మంది ఆసక్తి చూపుతుంటారు. ముఖ్యంగా కుక్కలు ఎటువంటి స్వార్థం లేకుండా యజమాని పట్ల ఎంతో ప్రేమగా, విశ్వాసంగా ఉంటాయి. కుటుంబ సభ్యుల్లా ప్రవర్తిస్తాయి.
విశ్వాసం, ప్రేమ, అభిమానం మాత్రమే చూపించే కుక్కలు (Dogs), పిల్లులు (Cats) వంటి జంతువులను పెంచుకునేందుకు చాలా మంది ఆసక్తి చూపుతుంటారు. ముఖ్యంగా కుక్కలు ఎటువంటి స్వార్థం లేకుండా యజమాని పట్ల ఎంతో ప్రేమగా, విశ్వాసంగా ఉంటాయి. కుటుంబ సభ్యుల్లా ప్రవర్తిస్తాయి. పెంపుడు జంతువులను చాలా మంది వ్యక్తులు తమ పిల్లల్లా చూసుకుంటుంటారు. ప్రస్తుతం సోషల్ మీడియాలో వైరల్ అవుతున్న ఓ వీడియో (Viral Video)లో ఓ మనిషి, కుక్క మధ్య ఉన్న బంధం చూసి చాలా మంది ఎమోషనల్ అవుతున్నారు.
B&S అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ చిన్న పెంపుడు కుక్క (Pet Dog) ఇంటి బయట కూర్చునుంది. కారులో నుంచి దిగిన తన యజమానిని చూసి సంతోషంతో తోక ఊపడం ప్రారంభించింది. అతడు దగ్గరకు వస్తున్న కొద్దీ ఆ పప్పీ ఆనందం రెట్టింపైంది. సంతోషంతో గెంతులు వేయడం ప్రారంభించింది. ఆ వ్యక్తి దగ్గరకు వచ్చి తన పెంపుడు కుక్కను ముద్దు పెట్టుకున్నాడు. ఆ కుక్క కూడా తన యజమానిని చూసిన సంతోషంలో గెంతులు వేసింది (Emotional Video).
World Cup Final: ఫైనల్ మ్యాచ్ రోజు పెళ్లి.. అతిథుల కోసం పెళ్లి వారు ఎలాంటి ఏర్పాట్లు చేశారంటే.. వీడియో వైరల్!
ఈ ఎమోషనల్ వీడియో సోషల్ మీడియాలో వైరల్‌గా మారింది. 7.6 లక్షల మందికి పైగా ఈ వీడియోను వీక్షించారు. 2.5 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో స్పందించారు. ``ఎలాంటి షరతులూ లేని ప్రేమ అది``, ``ఆ కుక్క ఎంత సంతోషపడుతోంది``, ``ఆ ప్రేమలో కల్మషం లేదు``, ``ఇలాంటి కుక్కలు ఉన్నప్పుడు ఇంటికి వెళ్లడం గొప్ప అనుభూతి`` అంటూ నెటిజన్లు కామెంట్లు చేశారు.
Updated Date - 2023-11-19T20:31:38+05:30 IST