Shocking: కూతురు ఎవరినో ప్రేమిస్తోందని డౌట్.. అతడెవరో బయటపెట్టేందుకు దారుణమైన ఊహించని స్కెచ్.. కన్నతండ్రిని చంపి మరీ..!
ABN, First Publish Date - 2023-11-09T11:27:49+05:30
పిల్లల ప్రేమ విషయాల్లో కొందరు పెద్దలు ఆవేశానికి పోకుండా పిల్లల ఇష్టాన్ని గౌరవిస్తారు. మరికొందరు మాత్రం పిల్లల మీద కోపం పెంచుకుంటారు. ఈ తండ్రి మాత్రం..
ప్రేమలు చాలా సాధారణం అయిపోయిన కాలమిది. అమ్మాయిలు, అబ్బాయిలు ప్రేమలో పడటం, ప్రేమ వివాహాలు చేసుకోవడం జరుగుతూనే ఉన్నాయి. పిల్లల ప్రేమ విషయాల్లో కొందరు పెద్దలు ఆవేశానికి పోకుండా పిల్లల ఇష్టాన్ని గౌరవిస్తారు. మరికొందరు మాత్రం పిల్లల మీద కోపం పెంచుకుంటారు. ఓ వ్యక్తి తన కూతురి ప్రేమ విషయంలో దారుణంగా ఆలోచించాడు. తన కూతురు ప్రేమించిన వ్యక్తి ఎవరో తెలుసుకుని అతన్ని ఇబ్బందుల పాలు చేసేందుకు ఊహించని వ్యూహం పన్నాడు. ఇందులో భాగంగా కన్నతండ్రి ప్రాణాలే తీశాడు. ఈ సంఘటనకు సంబంధించి వివరాల్లోకి వెళితే..
ఉత్తర ప్రదేశ్(Uttar Pradesh) రాష్ట్రంలో దారుణ సంఘటన చోటు చేసుకుంది. ఉత్తరప్రదేశ్ రాష్ట్రం బారాబంకిలో బహదూర్ రావత్ అనే 80ఏళ్ళ వృద్దుడు(80 years old man) నివసిస్తున్నాడు. ఇతని కొడుకు సంత్రమ్ కు పెళ్లై పెళ్ళీడుకు వచ్చిన ఓ కూతురు కూడా ఉంది. అయితే సంత్రమ్ కూతురు జైద్ పూర్ లో నివసించే బిట్టూ అనే కుర్రాడిని ప్రేమించింది. తమ ప్రేమను సంత్రమ్ ఒప్పుకోడనే కారణంతో అతని కూతురు బిట్టుతో కలసి పారిపోయింది. ఈ విషయం తెలుసుకున్న సంత్రమ్ జైద్ పూర్ పోలిస్ స్టేషన్లో ఫిర్యాదు చేశాడు. పోలీసులు బిట్టుపై కేసు నమోదు చేసి అతన్ని జైలుకు తరలించారు. ఆ తరువాత బిట్టు బెయిల్ పై జైలు నుండి బయటకు వచ్చాడు. ఈ విషయం అంతా తెలుసుకున్న సంత్రమ్ తండ్రి బహదూర్ తెలుసుకున్నాడు. తన మనవరాలికి బిట్టుతో పెళ్లి చేస్తానని ఆమెకు మాట ఇచ్చాడు. మనవరాలి జీవితం బాగుండాలనే ఆలోచనతో తన ఆస్తి మొత్తం మనవరాలి పేరు మీదనే రాశాడు. ఆర్థిక సహాయంతో మనవరాలిని, ఆమె ప్రేమికుడిని ఆదుకుంటున్నాడని బహదూర్ మీద అతని కొడుకు సంత్రమ్ కు కోపం పెరిగిపోయింది.
Garlic: వంటింట్లో కనిపించే వెల్లుల్లి గురించి మీకు తెలియని 7 నిజాలు.. కూరల్లో వాడేది ఇందుకేనన్నమాట..!
తన తండ్రి మద్దతు లభిస్తున్న వారిని విడదీయడానికి, బిట్టును ఇబ్బందుల్లోకి నెట్టడానికి సంత్రమ్ పక్కాగా ప్లాన్ వేశాడు. పొలంలో గదిలో నివసిస్తున్న తండ్రి దగ్గరకు వెళ్లి గొంతు పిసికి హాత్య చేశాడు(son murdered father). అనంతరం ఇటుక తీసుకుని బహదూర్ ముఖం మీద గట్టిగా కొట్టి గాయాలు చేశాడు, ఇల్లంతా చెల్లాచెదురు చేసి సీన్ క్రియేట్ చేశాడు. ఇదంతా చేసిన తరువాత జైద్ పూర్ పోలిస్ స్టేషన్ కు వెళ్లి తన తండ్రిని హత్య చేశారనే ఆరోపణలు చేస్తూ బిట్టూతో సహా నలుగురిపై ఫిర్యాదు చేశాడు. ఈ కేసు విచారిస్తున్న పోలీసులు అసలు నిజం పట్టుకోగలిగారు. సంత్రమ్ తన తండ్రిని హత్య చేశాడని కనుక్కున్నారు. అనంతరం సంత్రమ్ ను అరెస్ట్ చేసి పోలీస్ స్టేషన్ కు తరలించారు.
Shocking: టూత్‌పేస్ట్ అనుకుని.. నడుము నొప్పి తగ్గడానికి వాడే క్రీమ్‌తో బ్రష్ చేసిందో మహిళ.. చివరకు ఏమైందంటే..!
Updated Date - 2023-11-09T11:27:51+05:30 IST