Swiggy Instamart: ఏం క్రియేటివిటీ బాసూ.. రాజీనామా లేఖను ఇలా కూడా రాస్తారని కలలో కూడా ఊహించి ఉండరు..!
ABN, First Publish Date - 2023-07-26T16:46:33+05:30
తను పని చేస్తున్న సంస్థకు రాజీనామా చేయడం ఎవరికైనా కష్టమైన విషయమే. అప్పటి వరకు అలవాటైన పని వాతావరణాన్ని వదులుకోవడానికి చాలా మంది ఇష్టపడరు. ఎంతో బాధపడిన తర్వాతే రాజీనామా లేఖ రాస్తారు. అయితే స్విగ్గీ మార్ట్ తాజాగా షేర్ చేసిన రాజీనామ లేఖ చూస్తే కచ్చితంగా నవ్వు రావడం ఖాయం.
తను పని చేస్తున్న సంస్థకు రాజీనామా (Resignation) చేయడం ఎవరికైనా కష్టమైన విషయమే. అప్పటి వరకు అలవాటైన పని వాతావరణాన్ని వదులుకోవడానికి చాలా మంది ఇష్టపడరు. ఎంతో బాధపడిన తర్వాతే రాజీనామా లేఖ రాస్తారు. అయితే స్విగ్గీ ఇన్‌స్టామార్ట్ (Swiggy Instamart) తాజాగా షేర్ చేసిన రాజీనామ లేఖ చూస్తే కచ్చితంగా నవ్వు రావడం ఖాయం. మనం దైనందిన జీవితంలో ఉపయోగిస్తున్న చాక్లెట్లు, బిస్కెట్ల బ్రాండ్లు ఉపయోగించి రాజీనామా లేఖ రాయడం చాలా కొత్తగా ఉంది. ఆ పోస్ట్ సోషల్ మీడియాలో వైరల్ (Viral Tweet)అవుతోంది.
స్విగ్గీ ఇన్‌స్టామార్ట్‌లో అందుబాటులో ఉన్న స్నాక్ ఐటమ్స్‌తో ఆ రాజీనామా లేఖ (Resignation letter)ను రూపొందించింది. ఆ లేఖలో పలు పదాలకు బదులుగా ``సొసైటీ టీ``, ``కెలాగ్స్``, ``లిటిల్ హార్ట్స్``, ``పెర్క్``, ``గుడ్ డే``, ``ఫైవ్ స్టార్``, ``ఎవరెడీ``, ``జెమ్స్`` వంటి బ్రాండ్లను ఉపయోగించి ఆ రెజిగ్నేషన్ లెటర్‌ను రూపొందించింది. ``ఇన్‌స్టామార్ట్‌ను ఉపయోగించి ఈ విధంగా మీ జాబ్‌కు రాజీనామా చేయవచ్చు`` అని పేర్కొంది. ఈ ట్వీట్ సోషల్ మీడియాలో వైరల్‌గా మారింది (Funny Tweet).
Viral Video: పెట్రోల్ బంకు ముందు ఆగి ఉన్న కారు.. అందరూ చూస్తుండగానే.. సుత్తితో అద్దాలను పగలగొట్టడం వెనుక..!
ఇప్పటివరకు 93 వేల మంది ఈ ట్వీట్‌ను వీక్షించారు. ఈ ట్వీట్‌పై నెటిజన్లు తమదైన శైలిలో స్పందించారు. ``చాలా సీరియస్ మేటర్‌ను ఇన్‌స్టామార్ట్ ఫన్నీగా మార్చేసింది``, ``ఇది చాలా ఫన్నీగా ఉంది. కానీ, లేఖలో పదాలకు బదులుగా ఉపయోగించిన వాటిని నేను నిజంగానే మా బాస్‌కు చెప్పాలనుకున్నా``, ``సూపర్ క్రియేటివిటీ`` అంటూ నెటిజన్లు కామెంట్లు చేస్తున్నారు.
Updated Date - 2023-07-26T16:46:33+05:30 IST