Viral Video: ఈ చిరుత ఇంత తెలివితక్కువదేంటీ.. సులువుగా అడవి పందినైతే పట్టుకుంది కానీ.. ఆ తరువాత అది చేసిన పనికి..
ABN, First Publish Date - 2023-07-09T12:37:36+05:30
చిరుతలు చాలా తెలివైనవి, చురుకైనవి, అన్నింటికీ మించి వేటాడటంలో ఎంతో నైపుణ్యం కలిగినవి. కానీ..
చిరుతలు చాలా తెలివైనవి, చురుకైనవి, అన్నింటికీ మించి వేటాడటంలో ఎంతో నైపుణ్యం కలిగినవి. కానీ అన్ని చిరుతలు తెలివిగా ఉంటాయనుకుంటే పొరపాటే.. అలాగే అన్ని సందర్భాలలోనూ తెలివి ప్రదర్శిస్తాయి అనుకుంటే పప్పులో కాలేసినట్టే.. సోషల్ మీడియాలో వైరల్ అవుతున్న ఈ వీడియోనే దానికి నిదర్శనం. ఓ చిరుత కష్టపడి వేటాడి అడవి పందిని పట్టుకుంది. కానీ ఆ తరువాత అది చేసిన పని చూస్తే అది చిరుతనా లేక వేరే జంతువా అనిపిస్తుంది. ఈ వీడియోకు సంబంధించి పూర్తీ వివరాల్లోకి వెళితే..
అడవి జంతువులకు(Wild Animals) సంబంధించిన వీడియోలు ఎప్పుడూ ఆసక్తిగా ఉంటాయి. వీటి ప్రవర్తనలో, వేటలో ఎంతో గొప్ప నీతి దాగుంటుంది. వీడియోలో ఓ చిరుత(Leopard), అడవి పంది పిల్లల్ని(boar cubs) చూసింది. ఎంతో వేగం, వేటలో నైపుణ్యం ఉన్న చిరుతకు ఆ అడవి పంది పిల్లల్ని వేటాడటం పెద్ద సమస్య అనిపించలేదు. చిరుత ఎంతో వేగంగా వెళ్లి ఓ అడవిపంది పిల్లను నోట కరుచుకుంది( Leopard catch boar cub). అయితే అప్పుడే అదే రహదారి మీదుగా మరొక అడవిపంది పిల్ల ప్రాణాలు కాపాడుకోవడానికన్నట్టుగా భయంతో పరిగెడుతూ చిరుత కంట పడింది. ఇంకొక పంది పిల్ల కంట పడేసరికి ఆ చిరుతలో అత్యాశ(greedy Leopard) మొలకెత్తింది. నోట్లో ఉన్న పందిపిల్ల గాయపడి ఉంటుంది, అది ఎక్కడికీ పారిపోదులే అని దాన్ని నోట్లోంచి వదిలేసింది. ఆ వెంటనే రెండవ పంది పిల్లవైపు పరుగులు తీసింది. అయితే రెండవ పంది పిల్ల వేగంగా అక్కడి నుండి తప్పించుకోగా.. మొదటి పంది పిల్ల కూడా చిరుత నోటి నుండి విడిచిపెట్టిన వెంటనే పారిపోయింది. ఇలా ఈ తెలివి తక్కువ చిరుత నోటి ముందున్న రెండు ఆహారాలను చేతులారా వదిలేసుకుంది. ఈ సంఘటన అంతా రహదారి మీద జరగడంతో అటుగా వెళ్ళినవారు వీడియో తీయడంతో విషయం బయటకొచ్చింది.
Viral News: 27 ఏళ్ల వయసుకే రూ.100 కోట్ల బిజినెస్.. యూపీఎస్సీ రాసి ఫెయిల్ అయితే.. టీ షాపు పెట్టుకుని కోట్లలో సంపాదన..!
ఈ వీడియోను ఫారెస్ట్ సర్వీసెస్అధికారి(Forest service officer) సుశాంత నందా Susanta Nanda అనే తన ట్విట్టర్(Twitter) అకౌంట్ లో షేర్ చేశారు. 'పొదలో ఉండే రెండు పక్షుల కంటే చేతిలో ఉన్న ఒక పక్షి విలువైనది' ఆ చిరుత వేటలో ఈ నియమాన్ని మరచిపోయింది' అని క్యాప్షన్ మెన్షన్ చేశారు. ఈ వీడియో చూసిన నెటిజన్లు విభిన్నరకాలుగా స్పందిస్తున్నారు. 'ఆ చిరుత ఇంకా యంగ్ గానే ఉంది, దానికి వేటలో ఇంకా అనుభవం రానట్టుంది'అని ఒకరు కామెంట్ చేశారు. 'ఈ చిరుత వేట అచ్చం షేర్ మార్కెట్ ను పోలి ఉంది, మొదట దొరికిన ప్రోఫిట్ తో సరిపెట్టుకోకుండా ఇంకా లాభానికిపోతే ఇలాగే అవుతుందక్కడ' అని మరొకరు అన్నారు. 'బహుశా ఆ చిరుతకు రెండవ పందిపిల్ల లావుగా కనిపించినట్టుంది,అందుకే అది మొదటిదాన్ని వదిలేసింది' అని ఫన్నీ సెటైర్లు వేస్తున్నారు.
Viral Video: వామ్మో ఈ మహిళకెంత ధైర్యం.. గాల్లో ఎగురుతున్న ఒక విమానం నుండి మరో విమానం మీదకు దూకి ఈమె చేసిన పనేంటో తెలిస్తే..
Updated Date - 2023-07-09T12:37:36+05:30 IST