Viral video: పాపం ఉక్కపోత భరించలేక ఈ పాండా ఏం చేస్తోందో చూడండి..
ABN, First Publish Date - 2023-04-23T19:47:26+05:30
మండిపోతున్న ఎండల నుండి ఉపశమనం కోసం ఓ పాండా చేస్తోన్న పని నెట్టింట వైరల్ గా మారింది
ఎండలు మండిపోతున్నాయి. ఇది కేవలం గ్రామానికో.. రాష్ట్రానికో పరిమితమైన సమస్య కాదు. ప్రజలు ఇళ్ళలో ఏసీలు, కూలర్లు, ఫ్యాన్లు వేసుకుని ఉక్కపోత నుండి సేదతీరుతారు. కానీ జంతువులకు అలాంటి సౌలభ్యం ఉండదు. వాటికి చెట్ల నీడలు, నీరు ఉన్న ప్రాంతాలే ఊరట. మండిపోతున్న ఎండల నుండి ఉపశమనం కోసం ఓ పాండా చేస్తోన్న పని నెట్టింట వైరల్ గా మారింది. అసలే క్యూట్ గా ఉందాయే.. అది చేస్తున్న పనికి నెటిజన్లు ఫిదా అయిపోయారు. ఈ వీడియోకు సంబంధించి పూర్తీ వివరాల్లోకి వెళితే..
జంతువులు,పక్షులలో(Animals, Birds) కొన్ని చాలా అందంగా(Beautiful) ఉంటాయి. ముఖ్యంగా జంతువులలో పాండా(Panda) భలే ఉంటుంది. కుంగ్ ఫూ.. పాండా చూసిన వారికి పాండా ఎంత ముద్దుగా, బొద్దుగా, అమాయకత్వంగా ఉంటుందో అర్థమయ్యే ఉంటుంది. ఇది కార్టూన్ క్యారెక్టర్(cartoon character) తో పిల్లలకు మరింత దగ్గరయ్యిందని చెప్పవచ్చు. మరీ ముఖ్యంగా ఈ పాండా అచ్చం చిన్నపిల్లల్లా ప్రవర్తిస్తూ(behave like kids) ఉంటుది. ఇళ్ళలో చిన్నపిల్లలు ఉన్నప్పుడు ఈ వేసవికాలంలో చాలామంది ఓ బకెట్ లో నీళ్లు వేసి అందులో కూర్చోబెడుతుంటారు. దీనివల్ల వారికి ఉక్కపోత నుండి ఉపశమనం లభిస్తుంది. ఓ పాండా కూడా అచ్చం అదే అవతారమెత్తింది. అడవిలో పారుతున్న నీటి ప్రవాహానికి(water flow) ఒక పక్కగా ఉన్న చిన్న కొలను(water pond) లాంటి ప్రదేశంలో చిన్న పిల్లలు కూర్చున్నట్టు కూర్చుంది. నీళ్లలో అది కూర్చున్న విధానానికి ముచ్చటగా అనిపిస్తుంటే అది పిల్లల్లా నీళ్ళలో చెయ్యి పెట్టి టపా టపా కొడుతుండటం మరింత ఫన్నీగా ఉంది. చేత్తో నీళ్లు తీసుకుని తన శరీరాన్ని తడుపుకుంటూ బుద్దిగా, ఒద్దికగా కూర్చున్న ఈ పాండా నెటిజన్లను చాలా ఆకర్షిస్తోంది.
Viral Video: వావ్ దీనికి భలే ట్రైనింగ్ ఇచ్చారే.. యజమాని చెయ్యి చాపగానే ఈ ఊడత ఏం చేసిందో మీరే చూడండి!
Nature is Amazing అనే ట్విట్టర్ అకౌంట్ నుండి ఈ వీడియోను షేర్ చేశారు. ఈ వీడియో చూసిన నెటిజన్లు చాలా పాజిటివ్ గా రియాక్ట్ అవుతున్నారు. 'అసలే ముద్దుగా ఉంటుందది, అది అల్లరి చేస్తే చూడకుండా ఉండగలమా?' అంటున్నారు నెటిజన్స్. 'ఎంత అందంగా ఉందో.. దాన్ని చూస్తే ఏదో ప్రశాంతత కలుగుతోంది' అని కొందరు కామెంట్స్ చేశారు. 'అచ్చం చిన్న పిల్లల్లా ఎలా అల్లరిచేస్తోందో' అని దాన్ని అల్లరిని ఆస్వాదిస్తున్నారు మరికొందరు.
Viral Video: ఆరిపోయిన కొవ్వొత్తిని ఇలా కూడా వెలిగించచ్చా.. కొవ్వొత్తి దారాన్ని టచ్ చేయకుండానే మ్యాజిక్ చేసింది ఈ అమ్మాయి..
Updated Date - 2023-04-23T19:58:29+05:30 IST