Viral Video: ఇటుకలు పగలకొట్టి స్టంట్ చేయడానికి సిద్దమైన ది గ్రేట్ ఖలీ.. చివరికి ఇలా చేశాడేంటి?
ABN, First Publish Date - 2023-10-24T14:36:45+05:30
ఈ భారీ యోధుడిలో ఈ కోణం మీరెన్నడూ చూసి ఉండరు. ఇటుక పగలగొట్టేస్తాడనుకుంటే ఏం చేశాడంటే..
దలీప్ సింగ్ రాణా అంటే తెల్లమొహాలు వేస్తారేమో కానీ ది గ్రేట్ ఖలీ అంటే ఓ భారీ ఖాయం అందరి కళ్ళముందు ప్రత్యక్ష్యం అవుతుంది. ఈయన ప్రతిష్టాత్మక భారతీయ రెజ్లర్లలో ఒకరిగా తనకంటూ ప్రత్యేక గుర్తింపు తెచ్చుకున్నారు. డబ్యూడబ్యూఈలో జాన్ సెనా, కేన్ వంటి వారిని ఓడించాడు. అయితే ఇప్పుడు రెజ్లింగ్ కంటే సోషల్ మీడియాలో తెగ యాక్టీవ్ గా ఉంటారీయన. వివిధరకాల వీడియోస్ పోస్ట్ చేస్తూ తన ఫాలోయర్స్ ను అలరిస్తుంటారు. ఈసారి మాత్రం ది గ్రేట్ ఖలీ తన అనుచరులకు సరదాను ఇవ్వకపోగా ఏకంగా వాళ్లను ఆడేసుకున్నాడు. ఇటుకలు పగులకొట్టి స్టంట్ చేయడానికి సిద్దమైన ఖలీ ఆ తరువాత చేసందేంటో చూసి నెటిజన్లు అవాక్కవుతున్నారు. పొట్ట చెక్కలయ్యేలా నవ్వుతున్నారు. సోషల్ మీడియాలో వైరల్ అవుతున్న ఈ వీడియో గురించి పూర్తీ వివరాల్లోకి వెళితే..
ఈ మధ్యకాలంలో టీవీలో FUSE అనే చాక్లెట్ యాడ్ బాగా పాపులర్ అయింది. ది గ్రేట్ ఖలీ(The Great Khali) తన భారీ శరీరంతో కెమిస్ట్రీ ల్యాబ్ లో నడుస్తూంటే ల్యాబ్ లో చాలా వస్తువులు కింద పడిపోవడం, అవి దిశ మారిపోవడం జరుగుతుంది. ఈ యాడ్ చాలా ఫన్నీగా ఉంటుంది. ఈయన కేవలం యాడ్ లోనే కాదండోయ్ రియల్ గా కూడా చాలా సరదాగానే ఉంటారు. దానికి ఈ వీడియో ఒక ఉదాహరణ. వీడియోలో ది గ్రేట్ ఖలీ రెండు చిన్న ఇటుకలను(bricks) దూరంగా ఉంచుతాడు. ఆ తరువాత మరొక ఇటుక తీసుకుని రెండింటి పైన ఉంచుతాడు. పైనున్న ఇటుకను బద్దలు కొట్టడానికి తన చేతి పిడికిలి బిగించి ఇటుక మీద గురి కోసం అన్నట్టు రెండుమూడు సార్లు పెట్టి తీస్తాడు. ఇదంతా చూస్తున్న నెటిజన్లు 'ఖలీ బలం ముందు ఆ ఇటుక ఎంత దాని పని అయిపోయినట్టే' అని అనుకుంటారు. ఖలీ దాన్ని బద్దలు కొట్టేస్తాడని కూడా అనుకుంటారు. కానీ ఇటుక మీద రెండుమూడు సార్లు తన పిడికిలి ఉంచి తీసిన తరువాత ఖలీ ఏకంగా ఆ ఇటుకను తీసి పక్కన పెట్టేస్తాడు. దీంతో నెటిజన్లు మొదట అయోమయానికి గురయ్యారు. ఆ తరువాత ఖలీ తమను ఆడేసుకోవడానికి ఇలా చేశాడని తెలిసి పొట్టచెక్కలయ్యేలా నవ్వుతున్నారు.
Read also: Viral Video: రోడ్డు పక్కన టీ అమ్ముతున్న రజనీకాంత్.. ఇదేమైనా కొత్త సినిమా షూటింగేమో అనుకున్నారంతా.. కానీ అసలు సంగతి తెలిసి..
ఈ వీడియోను thegreatkhali తన ఇన్స్టాగ్రామ్(Instagram) అకౌంట్ లో పోస్ట్ చేశారు. ఈ వీడియో చూసిన నెటిజన్లు మొదట అయోమయానికి గురైనా ఆ తరువాత ఖలీ ఎందుకలా చేశాడో అర్థమయ్యాక ఫుల్ గా నవ్వుతున్నారు. ఈ వీడియో గురించి ఆయన అనుచరులు పలువిధాలుగా కామెంట్ చేస్తున్నారు. 'అది ఇటుక కాదు, ఆ టోస్ట్ ను టీలో ముంచుకుని తినేయడం కోసం పక్కన పెట్టేశారు' అని ఒకరు కామెంట్ చేశారు. 'మీరు ఒక నిమిషం సమయాన్ని మాతో వృధా చేయించారు, మమ్మల్ని ఆడేసుకున్నారు' అని మరొకరు కామెంట్ చేశారు. 'ఏమో జరుగుతుందని చాలా ఆసక్తిగా చూశాను,కానీ అక్కడ ఏమీ జరగలేదు' అని మరొకరు కామెంట్ చేశారు.
Read also: Viral Video: వావ్ ఏం టెక్నిక్ బాస్.. చేతులు నొప్పులు రాకుండా గోధుమలను ఎలా శుభ్రం చేస్తున్నారో చూస్తే..
Updated Date - 2023-10-24T14:36:45+05:30 IST