Tea Seller Video: ఏం టాలెంట్ సామీ.. ఇతడి టీ దుకాణం వద్దకు జనాలు ఎందుకు ఇంతగా క్యూ కడుతున్నారంటే..!
ABN, First Publish Date - 2023-10-17T20:45:18+05:30
హాలీవుడ్ సినిమా ``పైరేట్స్ ఆఫ్ ది కరేబియన్`` సిరీస్ సినిమాలకు ప్రపంచవ్యాప్తంగా అభిమానులున్నారు. ఆ సినిమాలోని ఓడ కెప్టెన్ జాక్ స్పారోకు వీరాభిమానులున్నారు. సినిమాలోని జాక్ స్పారో ఆహార్యం, అతడి స్టైల్, హావభావాలు చాలా ప్రత్యేకంగా ఉండి అందరినీ ఆకట్టుకుంటాయి.
హాలీవుడ్ సినిమా ``పైరేట్స్ ఆఫ్ ది కరేబియన్`` (Pirates of the Caribbean) సిరీస్ సినిమాలకు ప్రపంచవ్యాప్తంగా అభిమానులున్నారు. ఆ సినిమాలోని ఓడ కెప్టెన్ జాక్ స్పారో (Jack Sparrow)కు వీరాభిమానులున్నారు. సినిమాలోని జాక్ స్పారో ఆహార్యం, అతడి స్టైల్, హావాభావాలు చాలా ప్రత్యేకంగా ఉండి అందరినీ ఆకట్టుకుంటాయి. దాదాపు జాక్ స్పారోనే పోలి ఉండే ఓ వ్యక్తి నాగ్‌పూర్ (Nagpur) వీధుల్లో టీ స్టాల్ (Tea Seller Video)నడుపుతున్నాడు. అతడు పూర్తిగా జాక్ స్పారోనే అనుకరిస్తున్నాడు. స్థానికులు అతడిని దేశీ జాక్‌స్పారో (Desi Jack Sparrow) అని పిలుస్తున్నారు.
hmm_nikhil అనే ఇన్‌స్టాగ్రామ్ హ్యాండిల్‌లో ఈ దేశీ జాక్‌స్పారోకు సంబంధించిన వీడియో షేర్ అయింది. ఆ వీడియోలోని వ్యక్తి చాలా స్టైలిష్ లుక్‌లో టీ తయారు చేస్తున్నాడు. పాల ప్యాకెట్‌ను తలపై పెట్టుకుని, పాన్‌లో వేశాడు. నల్లటి ప్యాంటు, టీ షర్టు, రంగులు వేసిన జుట్టు, అతని కళ్ళద్దాలు చూసి చాలా మంది అతడిని జాక్ స్పారోతో పోల్చుతున్నారు. చాలా మంది అతడితో ఫొటోలు కూడా దిగుతున్నారు. ఆ వ్యక్తి జాక్ స్పారో లాగానే హావభావాలను పండిస్తున్నాడు. ఈ వీడియో సోషల్ మీడియాలో వైరల్ (Viral Video)గా మారింది.
Noodles Video: నూడుల్స్ అంటే తెగ ఇష్టమా..? అసలు వీటిని ఎలా తయారు చేస్తున్నారో చూస్తే తినడం మానేస్తారేమో..!
ఈ వైరల్ వీడియోకు ఇప్పటివరకు 11 వేలకు పైగా లైక్‌లు వచ్చాయి. ఈ వీడియోపై నెటిజన్లు తమదైన శైలిలో స్పందిస్తున్నారు. ``అతను మంచి వ్యాపార మనస్తత్వం కలిగి ఉన్నాడు``, ``జాక్‌స్పారో పాత్ర అతడికి మంచి బిజినెస్ కల్పిస్తోంది``, ``గెటప్ మాత్రమే కాదు.. అతడు చేసే టీ రుచి కూడా అద్భుతంగా ఉంటుంది``, ``ఇతడికి బిగ్‌బాస్‌లో అవకాశం కల్పించాలి`` అని నెటిజన్లు కామెంట్లు చేశారు.
Updated Date - 2023-10-17T20:45:18+05:30 IST