Viral Video: దప్పికతో కుళాయి దగ్గర ఓ కుక్క తంటా.. నీళ్లు రాకపోవడంతో నీరసం.. అటుగా వెళ్తున్న ఓ యువతి చూసి..!
ABN, First Publish Date - 2023-08-25T20:12:04+05:30
ఓ వీధి కుక్క పట్ల ఓ మహిళ ప్రదర్శించిన మానవత్వం ఎంతో మంది హృదయాలను గెలుచుకుంటోంది. ఆమెను ప్రశంసిస్తూ నెటిజన్లు సోషల్ మీడియా వేదికగా కామెంట్ల వర్షం కురిపిస్తున్నారు. దాహంతో విలవిలలాడుతున్న కుక్కకు నీరు అందించి ఆమె మానవత్వం చాటుకుంది.
ఓ వీధి కుక్క (Stray Dog) పట్ల ఓ మహిళ ప్రదర్శించిన మానవత్వం ఎంతో మంది హృదయాలను గెలుచుకుంటోంది. ఆమెను ప్రశంసిస్తూ నెటిజన్లు సోషల్ మీడియా వేదికగా కామెంట్ల వర్షం కురిపిస్తున్నారు. దాహంతో విలవిలలాడుతున్న కుక్కకు నీరు (Water) అందించి ఆమె మానవత్వం చాటుకుంది. ఎవరో ఆ ఘటనను వీడియో తీసి సోషల్ మీడియాలో పోస్ట్ చేశారు. ఆ వీడియో నెట్టింట హల్‌చల్ చేస్తోంది (Viral Video). give_india అనే ఇన్‌స్టాగ్రామ్ హ్యాండిల్‌లో ఆ వీడియో షేర్ అయింది.
వైరల్ అవుతున్న ఆ వీడియోలో బాగా దాహంతో ఉన్న ఓ వీధి కుక్క కుళాయి (Tap) దగ్గర నీటి కోసం చూస్తోంది. ఆ కుళాయిని ఎలా తిప్పాలో తెలియక తంటాలు పడుతోంది. ఆ సమయంలో అటు వైపు వెళ్తున్న మహిళ కుక్కను గమనించింది. వెంటనే దగ్గరకు వెళ్లి టాప్ తిప్పింది. దీంతో ఆ కుక్క దాహం తీర్చుకుంది. ఎవరో ఆ ఘటనను వీడియో తీసి సోషల్ మీడియాలో పోస్ట్ చేశారు. ఆ వీడియో సోషల్ మీడియాలో వైరల్‌గా మారింది. లక్షల మంది ఆ వీడియోను వీక్షించారు.
Viral Video: ఏం టెక్నిక్ బాసూ.. నీ క్రియేటివిటీకి హ్యాట్సాఫ్ చెప్పాల్సిందే.. కష్టపడకుండానే పడవ ఎలా నడుపుతున్నాడో చూస్తే..!
పదహారు వేల మందికి పైగా ఆ వీడియోను లైక్ చేసి ఆ మహిళపై ప్రశంసలు కురిపించారు. ``దయ అనేది ప్రతి ఒక్కరూ ఇవ్వగల బహుమతి``, ``మీరు చాలా గొప్ప పని చేసారు", ``ఈ అమ్మాయికి చాలా ప్రేమ, ధన్యవాదాలు" ``దేవుడు నిన్ను ఆశీర్వదిస్తాడు``, ``ఇతరులకు సహాయం చేయడం వల్ల మనకు ఖర్చేం అవదు`` అంటూ నెటిజన్లు కామెంట్లు చేశారు.
Updated Date - 2023-08-25T20:12:04+05:30 IST