Shocking Video: నెమలిని తక్కువగా అంచనా వేసింది.. గుడ్లు దొంగిలిస్తుంటే ఎలా కిక్ ఇచ్చిందో చూడండి..
ABN, First Publish Date - 2023-11-06T20:23:15+05:30
నెమళ్లు సాధారణంగా ఎవరి జోలికీ వెళ్లవు. అందమైన ఈ పక్షులు ఎవరి పైనా దాడి చేయవు. అలాగని తమ జోలికి ఎవరైనా వస్తే మాత్రం ఊరుకోవు. నెమళ్లు చాలా బలహీనమైనవని ఎవరైనా అనుకుంటే మాత్రం పొరబడినట్టే.
నెమళ్లు (Peacocks) సాధారణంగా ఎవరి జోలికీ వెళ్లవు. అందమైన ఈ పక్షులు ఎవరి పైనా దాడి చేయవు. అలాగని తమ జోలికి ఎవరైనా వస్తే మాత్రం ఊరుకోవు. నెమళ్లు చాలా బలహీనమైనవని ఎవరైనా అనుకుంటే మాత్రం పొరబడినట్టే. ప్రస్తుతం సోషల్ మీడియాలో వైరల్ అవుతున్న ఈ వీడియో (Viral Video) చూస్తే నెమలికి ఎంత శక్తి ఉందో అర్థమవుతుంది. మన జాతీయ పక్షి అందాన్ని మెచ్చుకునే వారు దాని బలం చూసి ఆశ్చర్యపోక తప్పదు (Peacock flying kick).
@ThebestFigen అనే ట్విటర్ హ్యాండిల్‌లో ఈ వీడియో (Peacock Videos) షేర్ అయింది. వైరల్ అవుతున్న ఆ వీడియోలో ఓ నెమలి తన గుడ్లను (Peacock Eggs) పొదుగుతోంది. తన గుడ్లకు రక్షణగా కూర్చుంది. ఆ సమయంలో ఓ మహిళ నెమ్మదిగా అక్కడకు వెళ్లి నెమలిని పట్టుకుని పక్కకు విసిరేసింది. ఆ తర్వాత ఆ గుడ్లను సేకరించేందుకు ప్రయత్నించింది. అంతలో నెమలి వేగంగా ఎగురుతూ ఆ మహిళను ఓ తన్ను తన్నింది. దెబ్బకు ఆ మహిళ కింద పడి దొర్లుకుంటూ వెళ్లింది. అయినా ఆ నెమలి వదల్లేదు.
Virat Kohli: విరాట్ కోహ్లీ రికార్డు సెంచరీ.. పెళ్లి పీటల మీద వధూవరులు ఏం చేశారంటే.. వైరల్ అవుతున్న వీడియో!
ఈ వైరల్ వీడియోను ఇప్పటివరకు 40 లక్షల మందికి పైగా వీక్షించారు. లక్షల మంది వీడియోను లైక్ చేశారు. నెమలి ఫ్లయింగ్ కిక్‌పై నెటిజన్లు తమదైన శైలిలో స్పందించారు. ``ఇది సరైన గుణపాఠం``, ``ఆ మహిళకు ఇంతకంటే దారుణమైన శిక్ష విధించాలి``, ``నెమలి కాళ్లలో చాలా బలం ఉంటుంది``, ``పిల్లల జోలికి వస్తే ఎలాంటి వారికైనా బలం వస్తుంది`` అంటూ నెటిజన్లు కామెంట్లు చేశారు.
Updated Date - 2023-11-06T20:23:18+05:30 IST