IPL 2023: అట్టడుగు జట్ల మధ్య పోటీ.. టాస్ గెలిచిన ముంబై ఇండియన్స్
ABN, First Publish Date - 2023-04-11T19:25:31+05:30
ఇండియన్ ప్రీమియర్‌(IPL 2023)లో గెలుపు కోసం అర్రులు చాస్తున్న రెండు జట్లు మరికాసేపట్లో
ఢిల్లీ: ఇండియన్ ప్రీమియర్‌(IPL 2023)లో గెలుపు కోసం అర్రులు చాస్తున్న రెండు జట్లు మరికాసేపట్లో తలపడబోతున్నాయి. ఈ టోర్నీలో ఇప్పటి వరకు మూడు మ్యాచ్‌లు ఆడి ఖాతా తెరవలేకపోయిన ఢిల్లీ కేపిటల్స్(Delhi Capitals), రెండు మ్యాచ్‌లు బోణీ కొట్టలేకపోయిన ముంబై ఇండియన్స్(Mumbai Indians) బరిలోకి దిగుతున్నాయి. టాస్ గెలిచిన ముంబై కెప్టెన్ రోహిత్ శర్మ షరా మామూలుగానే బౌలింగ్ ఎంచుకున్నాడు.
ఈ రెండు జట్లు కూడా తొలి విజయం కోసం ఎదురుచూస్తుండడంతో మ్యాచ్ పోటాపోటీగా సాగే అవకాశం ఉంది. ఈ మ్యాచ్‌తో ఢిల్లీ ఆటగాడు యశ్ ధుల్ అరంగేట్రం చేయబోతున్నాడు. ఖలీల్ అహ్మద్ గాయం కారణంగా జట్టుకు దూరం కావడంతో యశ్ ధుల్‌కు తుది జట్టులో అవకాశం దక్కింది. అలాగే, రిలీ రోసౌ స్థానంలో ముస్తాఫిజుర్ రహ్మాన్‌కు చోటు దక్కింది. అలాగే, ముంబై జట్టుకు జోఫ్రా అర్చర్ అందుబాటులో ఉండడం లేదు. స్టబ్స్ స్థానంలో రిలీ మెరిడెత్ జట్టులోకి వచ్చాడు.
Updated Date - 2023-04-11T19:25:31+05:30 IST