Singapore Open 2023: కిదాంబి శ్రీకాంత్ ఘన విజయం.. పీవీ సింధు, ప్రణయ్‌ ఓటమి
ABN, First Publish Date - 2023-06-06T19:45:54+05:30
ఆసియా దేశం సింగపూర్‌‌లో మంగళవారం జరిగిన సింగపూర్ ఓపెన్ సూపర్ 750 టోర్నమెంట్‌లో (Singapore Open Super 750 tournament) భారత ఆటగాడు కిదాంబి శ్రీకాంత్ (Kidambi Srikanth) ఘన విజయం సాధించాడు
సింగపూర్: ఆసియా దేశం సింగపూర్‌‌లో మంగళవారం జరిగిన సింగపూర్ ఓపెన్ సూపర్ 750 టోర్నమెంట్‌లో (Singapore Open Super 750 tournament) భారత ఆటగాడు కిదాంబి శ్రీకాంత్ (Kidambi Srikanth) ఘన విజయం సాధించాడు.
పురుషుల సింగిల్స్ పోటీల ప్రారంభ రౌండ్‌లో థాయ్‌లాండ్‌కు చెందిన కాంటాఫోన్ వాంగ్‌చారోయెన్‌పై 21-15 21-19 తేడాతో కిదాంబి శ్రీకాంత్ విజయం సాధించాడు. తర్వాత రౌండ్‌లో చైనీస్ తైపీకి చెందిన చియా హావో లీతో తలపడనున్నాడు.
అయితే ఓపెనింగ్ రౌండ్‌లో పీవీ సింధు (PV Sindhu), హెచ్‌ఎస్ ప్రణయ్‌ (HS Prannoy) ఓటమిని చవిచూశారు. ప్రపంచ నంబర్ 1 జపాన్‌కు చెందిన అకానె యమగుచి చేతిలో డిఫెండింగ్ ఛాంపియన్ పీవీ సింధు 21-18 19-21 17-21 తేడాతో ఓడిపోయింది. వీరిద్దరూ చివరిసారిగా గతేడాది థాయ్‌లాండ్‌లో తలపడ్డారు.
మూడో సీడ్ జపనీస్‌ నరోకా చేతిలో 56 నిమిషాల్లో 15-21 19-21 తేడాతో హెచ్‌ఎస్ ప్రణయ్‌ ఓడిపోయాడు.
Updated Date - 2023-06-06T19:56:53+05:30 IST