Dell laptops: కొత్త మోడల్ డెల్ ల్యాప్‌టాప్స్ వచ్చేశాయ్.. ధరెంతంటే..
ABN, First Publish Date - 2023-04-11T17:48:13+05:30
అమెరికన్ మల్టీనేషనల్ టెక్నాలజీ సంస్థ డెల్ టెక్నాలజీస్ (Dell Technologies) సరికొత్త ఫీచర్లతో కొత్త మోడళ్లలో ల్యాప్ టాప్ లను అందుబాటులోకి తీసుకొచ్చింది.
హైదరాబాద్: అమెరికన్ మల్టీనేషనల్ టెక్నాలజీ సంస్థ డెల్ టెక్నాలజీస్ (Dell Technologies) సరికొత్త ఫీచర్లతో కొత్త మోడళ్లలో ల్యాప్ టాప్ లను అందుబాటులోకి తీసుకొచ్చింది. ఎలియన్ వేర్ ఎం18, ఎలియన్ వేర్ ఎక్స్ 16 ఆర్1, ఇన్ స్పీరాన్ 16 (Inspiron 16) ఇన్ స్పీరాన్ 16 2-in-1 (Inspiron 16 2-in-1) ల్యాప్‌టాప్‌లను భారత మార్కెట్లో విడుదల చేసినట్లు సంస్థ తెలిపింది. ఇంటెల్ కోర్ ప్రాసెసర్‌లను కలిగి ఉన్న 13వ తరం డెల్ ల్యాప్‌టాప్‌లను సంస్థ ప్రవేశపెట్టింది.
కొత్త లేజెండ్ 3.0 డిజైన్ తో ఎలియన్ వేర్ (Alienware) సిరీస్ గేమింగ్ ల్యాప్‌టాప్‌లు అందుబాటులోకి వచ్చాయి. ఎలియన్ వేర్ ఒరిజినల్ ల్యాప్‌టాప్‌లను బార్సిలోనా, స్పెయిన్ లో విడుదల చేశారు. భారత మార్కెట్లో ఎలియన్ వేర్ ఎం 18 ల్యాప్‌టాప్ రూ. 3,59,990, ఎలియన్ వేర్ ఎక్స్ 16 ఆర్1 మోడల్ ల్యాప్‌టాప్ రూ. 3,79,990, ఇన్ స్పీరాన్ 16 మోడల్ రూ. 77,990 ఇన్ స్పీరాన్ 16 కన్వర్టిబుల్ ల్యాప్‌టాప్ మోడల్ రూ. 96,990 ఉంటుంది. అన్ని రకాల మోడల్ డెల్ ల్యాప్‌టాప్‌లు డెల్ స్టోర్స్, డెల్.కామ్, రిటైల్ స్టోర్స్, మల్టీబ్రాండ్ అవుట్లెట్లలో లభిస్తాయని కంపెనీ పేర్కొంది.
Updated Date - 2023-04-11T17:48:13+05:30 IST