Samsung: జెడ్ సిరీస్‌లో శాంసంగ్ గెలాక్సీ స్మార్ట్‌ఫోన్స్..
ABN, First Publish Date - 2023-06-15T18:06:54+05:30
దక్షిణ కొరియాకు చెందిన ప్రముఖ స్మార్ట్‌ఫోన్ల తయారీ సంస్థ శాంసంగ్ (Samsung) తమ వినియోగదారులను ఆకట్టుకునేందుకు ఎప్పటికప్పుడు కొత్త ఉత్పత్తులను మార్కెట్‌లో విడుదల చేస్తోంది.
హైదరాబాద్: దక్షిణ కొరియాకు చెందిన ప్రముఖ స్మార్ట్‌ఫోన్ల తయారీ సంస్థ శాంసంగ్ (Samsung) తమ వినియోగదారులను ఆకట్టుకునేందుకు ఎప్పటికప్పుడు కొత్త ఉత్పత్తులను మార్కెట్‌లో విడుదల చేస్తోంది. ఇందులో భాగంగా శాంసంగ్ గెలాక్సీ జెడ్ ఫోల్డ్ 5 (Samsung Galaxy Z Fold 5), గెలాక్సీ జెడ్ ఫ్లిప్ 5 పోల్డబుల్ స్మార్ట్‌ఫోన్లను వచ్చే నెలలో విడుదల చేసేందుకు సన్నాహాలు చేస్తోంది. సియోల్ వేదికగా జూలై చివరిలో ఈ ఫోన్లను విడుదల చేయనున్న శాంసంగ్ సంస్థ తెలిపింది. శాంసంగ్ గెలాక్సీ జెడ్ ఫోల్డ్ 5 ఫోన్లకు సంబంధించిన కొన్ని ఫీచర్స్ విడుదలకు ముందే లీకయ్యాయి.
శాంసంగ్ శాంసంగ్ గెలాక్సీ జెడ్ ఫోల్డ్ 5 ఫోన్ లీకైన వివరాలు ఇలా ఉన్నాయి. 4-మెగాపిక్సెల్ అండర్-స్క్రీన్ కెమెరా, 7.6 అంగుళాల డిస్ ప్లే, హోల్- పంచ్ ఫ్రంట్ కెమెరా, 10 మెగాపిక్సెల్ ఫ్రంట్ కెమెరా, 12జీబీ ర్యామ్, 256/ 512జీబీ/ 1టీబీ స్టోరేజ్, 4,400ఎంఏహెచ్ బ్యాటరీ, 25 డబ్ల్యూ ఫాస్ట్ ఛార్జింగ్ సపోర్టు, 50 మెగా పిక్సెల్ మెయిన్ కెమెరా, 12 మెగాపిక్సెల్ అల్ట్రా-వైడ్ కెమెరా, 12 మెగాపిక్సెల్ టెలిఫోటో కెమెరా, యూఐ 5.1, ఆండ్రాయిడ్ 13, ఐపీఎక్స్8 వాటర్ రెసిస్టెన్స్ ఉంటుందని తెలుస్తోంది. ఈ ఫోన్ల ధరలు ఎంత ఉంటుందనేది ఇంకా వెల్లడికాలేదు.
Updated Date - 2023-06-15T18:07:04+05:30 IST