గుండెపోటుతో ఏబీఎన్‌ కొత్తగూడెం రిపోర్టర్‌ యతిరాజ్‌కుమార్‌ మృతి
ABN, First Publish Date - 2023-01-23T20:33:30+05:30
‘ఏబీఎన్‌-ఆంధ్రజ్యోతి’ (ABN-Andhra Jyothi) వార్తా చానల్‌లో భద్రాద్రికొత్తగూడెం జిల్లా కేంద్రమైన కొత్తగూడెం (Kothagudem) రిపోర్టర్‌గా పనిచేస్తున్న కాళ్లూరి యతిరాజ్‌కుమార్‌ అలియాస్‌..
జూలూరుపాడు: ‘ఏబీఎన్‌-ఆంధ్రజ్యోతి’ (ABN-Andhra Jyothi) వార్తా చానల్‌లో భద్రాద్రికొత్తగూడెం జిల్లా కేంద్రమైన కొత్తగూడెం (Kothagudem) రిపోర్టర్‌గా పనిచేస్తున్న కాళ్లూరి యతిరాజ్‌కుమార్‌ అలియాస్‌ రాజు (50) సోమవారం ఉదయం గుండెపోటుతో హఠాన్మరణం చెందారు. తెల్లవారుజామున ఆయనకు గుండెపోటు రావడంతో కుటుంబసభ్యులు కొత్తగూడెం ప్రభుత్వ ఆసుపత్రికి తరలించగా.. అక్కడ చికిత్స పొందుతూ మృతి చెందారు. ఆయన మృతదేహాన్ని స్వగ్రామమైన జూలూరుపాడు మండలం గుండెపూడి గ్రామానికి తీసుకురాగా.. కొత్తగూడెం ఎమ్మెల్యే వనమా వెంకటేశ్వరరావు, కొత్తగూడెం డీఎస్పీ వెంకటేశ్వరబాబు, టీపీసీసీ జనరల్‌ సెక్రటరీ ఎడవల్లి కృష్ణ, వైరా మాజీ ఎమ్మెల్యే బాణోత్‌ మదన్‌లాల్‌, కొత్తగూడెం మున్సిపల్‌ చైర్‌పర్సన్‌ కాపు సీతాలక్ష్మి, టీయూడబ్ల్యుజే (ఐజేయూ) జాతీయ కార్యవర్గసభ్యుడు దుద్దుకూరి రామారావు, సంఘం భద్రాద్రి జిల్లా అధ్యక్షుడు ఇమంది ఉదయ్‌కుమార్‌, టీయూడబ్ల్యూజే భద్రాద్రి జిల్లా అధ్యక్షులు కల్లోజి శ్రీనివాస్‌ తదితరులు నివాళులర్పించారు. ఆయన కుటుంబానికి సంతాపం తెలిపారు. ఇక రాజుకు భార్య జ్యోతి, ఓ కుమారుడున్నారు.
Updated Date - 2023-01-23T20:33:31+05:30 IST