TS Elections: గ్లాస్‌ పార్టీని ఆదరించని తెలంగాణ ప్రజలు
ABN, First Publish Date - 2023-12-04T04:44:33+05:30
పార్టీ అధినేత పవన్‌ కళ్యాణ్‌తో పాటు బీజేపీ అగ్రనేతలు ఉధృత ప్రచారం నిర్వహించినా, మెజారిటీ స్థానాల్లో పోటీ ఇవ్వలేకపోయింది.
హైదరాబాద్‌/హైదరాబాద్‌ సిటీ, డిసెంబరు 3 (ఆంధ్రజ్యోతి): బీజేపీతో పొత్తుపెట్టుకుని ఆర్భాటంగా పోటీలోకి దిగిన జనసేనకు ఒక్క స్థానంలో మినహా అన్నిచోట్లా డిపాజిట్లు గల్లంతయ్యాయి. పార్టీ అధినేత పవన్‌ కళ్యాణ్‌తో పాటు బీజేపీ అగ్రనేతలు ఉధృత ప్రచారం నిర్వహించినా, మెజారిటీ స్థానాల్లో పోటీ ఇవ్వలేకపోయింది. కూకట్‌పల్లి, ఖమ్మం, నాగర్‌కర్నూలు, కోదాడ, కొత్తగూడెం, వైరా, తాం డూరు, అశ్వారావుపేటలో జనసేన తన అభ్యర్థులను బరిలోకి దింపింది. కూకట్‌పల్లిలో మాత్రమే చెప్పుకోదగ్గ స్థాయి లో ఓట్లు సాధించింది. ఇక్కడి నుంచి పోటీ చేసిన ముమ్మారెడ్డి ప్రేమ్‌కుమార్‌ సుమారు 40 వేల ఓట్లు సాధించారు. మిగతా 7 స్థానాల్లో డిపాజిట్లు కూడా దక్కలేదు. ఎక్కడా పార్టీ అభ్యర్థులు సగటున 2 వేలకు మించి ఓట్లు సాధించలేదు. కోదాడ (2,151), కొత్తగూడెం (1,945)లో 8వ స్థానానికి పరిమితమయ్యారు. అశ్వారావుపేట (2,281), ఖమ్మం (2,658), నాగర్‌కర్నూల్‌ (1,955)లో 6వ స్థానంలో, తాం డూరు (4,087), వైరా (2,712)లో 4వ స్థానంలో నిలిచారు.
Updated Date - 2023-12-04T11:00:40+05:30 IST