Harish Rao:ప్రజాస్వామ్యంలో ఇలాంటి దాడులు జరగడం దారుణం: హరీశ్‌రావు
ABN, First Publish Date - 2023-11-12T15:11:37+05:30
ప్రజాస్వామ్యంలో ప్రజాప్రతినిధులపై ప్రత్యర్థులు విచక్షణారహితంగా దాడులు జరపడం దారుణమని మంత్రి హరీశ్ రావు(Harish Rao) వ్యాఖ్యానించారు.
హైదరాబాద్: ప్రజాస్వామ్యంలో ప్రజాప్రతినిధులపై ప్రత్యర్థులు విచక్షణారహితంగా దాడులు జరపడం దారుణమని మంత్రి హరీశ్ రావు(Harish Rao) వ్యాఖ్యానించారు. నాగర్ కర్నూల్ జిల్లా అచ్చంపేటలో గువ్వల బాలరాజు(Guvvala Balraju) ప్రయాణిస్తున్న కారును గుర్తు తెలియని వ్యక్తులు అడ్డుకుని రాళ్ల దాడికి పాల్పడిన విషయం విదితమే. ఈ ఘటనలో గాయపడ్డ గువ్వల ప్రస్తుతం జూబ్లీహిల్స్ అపోలో ఆసుపత్రిలో చికిత్స పొందుతున్నారు.
ఆయన్ని మంత్రి హరీశ్ రావు ఇవాళ పరామర్శించారు. బాలరాజు ఆరోగ్యపరిస్థితి గురించి డాక్టర్లకు అడిగి తెలుసుకున్నారు. దాడి జరిగిన తీరును కుటుంబ సభ్యులు మంత్రికి వివరించారు. దాడికి పాల్పడిన వారికి ఓటు ద్వారా ప్రజలే గుణపాఠం చెప్పాలని కోరారు. గువ్వలకు పార్టీ అండగా నిలుస్తుందని తెలిపారు. అంతకుముందు మంత్రి కేటీఆర్ ఆయన్ని పరామర్శించారు.
Updated Date - 2023-11-12T15:11:38+05:30 IST