fire: సికింద్రాబాద్‌‌లో భారీ అగ్నిప్రమాదం
ABN, First Publish Date - 2023-03-16T20:50:00+05:30
రూబీ హోటల్‌ అగ్నిప్రమాదం ఘటనను మరువక ముందే.. సికింద్రాబాద్‌ (Secunderabad)లో మరో భారీ ప్రమాదం చోటుచేసుకుంది. సికింద్రాబాద్‌ స్వప్నలోక్‌ కాంప్లెక్స్‌
హైదరాబాద్: రూబీ హోటల్‌ అగ్నిప్రమాదం ఘటనను మరువక ముందే.. సికింద్రాబాద్‌ (Secunderabad)లో మరో భారీ ప్రమాదం చోటుచేసుకుంది. సికింద్రాబాద్‌ స్వప్నలోక్‌ కాంప్లెక్స్‌ (Swapnalok Complex)లో అగ్నిప్రమాదం సంభవించింది. బిల్డింగ్‌ 7, 8వ అంతస్తుల్లో భారీగా మంటలు చెలరేగుతున్నాయి. కాంప్లెక్స్‌లో పలువురు చిక్కుకున్నట్టు అనుమానం వ్యక్తం చేస్తున్నారు. కాంప్లెక్స్‌ లోపలి నుంచి రక్షించాలంటూ బాధితులు కేకలు వేస్తున్నారు. కాంప్లెక్స్‌లో చిక్కుకున్న వాళ్లను కాపాడే ప్రయత్నం చేస్తున్నారు. నాలుగు ఫైరింజన్లు మంటలార్పుతున్నారు. కాంప్లెక్స్‌లో పలు బట్టల షాప్‌లు, గోడౌన్లు ఉన్నట్టు గుర్తించారు. దట్టమైన పొగతో రెస్క్యూ ఆపరేషన్‌కి ఆటంకాలు ఏర్పడుతున్నాయి. మంటల్లో పలు ఆఫీసులు, షాప్‌లు తగలబడుతున్నారు. స్వప్నలోక్‌ కాంప్లెక్స్‌‌ను 1980లో నిర్మించినట్లు చెబుతున్నారు.
జీడిమెట్లలో భారీ అగ్నిప్రమాదం
జీడిమెట్ల (Jedimetla)లో భారీ అగ్నిప్రమాదం చోటుచేసుకుంది. కోపల్లె ఫార్మా కెమికల్‌ కంపెనీలో మంటలు చెలరేగుతున్నాయి. మూతపడిన ఫార్మా కెమికల్‌ కంపెనీలో మంటలు ఎగిసిపడుతున్నట్లు సమాచారం. సాల్వెంట్‌ డ్రమ్స్‌ గాల్లోకి ఎగిరి పేలుతున్నాయి. దీంతో భయం గుప్పట్లో పరిసర ప్రాంత ప్రజలున్నారు.
Updated Date - 2023-03-16T20:50:04+05:30 IST