Viveka Murder Case: భాస్కర్ రెడ్డికి అస్వస్థత.. నిమ్స్‌కు తరలింపు...
ABN, First Publish Date - 2023-05-27T10:51:06+05:30
హైదరాబాద్: వైఎస్ వివేకా హత్య కేసులో చంచల్‌గూడ జైలులో రిమాండ్‌ ఖైదీగా ఉన్న ఎంపీ అవినాశ్‌రెడ్డి తండ్రి వైఎస్ భాస్కర్‌రెడ్డిని వైద్యుల సూచన మేరకు చికిత్స నిమిత్తం నిమ్స్ ఆస్పత్రికి తరలించారు
హైదరాబాద్: వైఎస్ వివేకా హత్య కేసు (Viveka Murder Case)లో చంచల్‌గూడ జైలు (Chanchalguda Jail)లో రిమాండ్‌ ఖైదీ (Remand Prisoner)గా ఉన్న ఎంపీ అవినాశ్‌రెడ్డి (Avinash Reddy) తండ్రి వైఎస్ భాస్కర్‌రెడ్డి (Bhaskara Reddy)ని వైద్యుల సూచన మేరకు చికిత్స నిమిత్తం నిమ్స్ ఆస్పత్రి (Nims Hospital)కి తరలించారు. కాగా శుక్రవారం ఉదయం భాస్కర్‌రెడ్డికి బీపీ పెరగడంతో తీవ్ర అస్వస్థతకు గురయ్యారు. వెంటనే జైలు అధికారులు భాస్కర్ రెడ్డిని ఉస్మానియా ఆస్పత్రికి తరలించి వైద్య పరీక్షలు చేయించారు. అనంతరం చంచల్‌గూడ జైలుకు తీసుకువచ్చారు. అయినా ఆయన ఆరోగ్యపరిస్థితి మెరుగుపడకపోవడంతో శనివారం ఉదయం నిమ్స్ ఆస్పత్రికి తరలించారు. పూర్తి సమాచారం అందవలసి ఉంది.
Updated Date - 2023-05-27T10:51:06+05:30 IST