Hyderabad: పంచాయ‌తీల్లో బిల్లుల పెండింగ్..
ABN, First Publish Date - 2023-06-01T15:43:39+05:30
తెలంగాణ దశాబ్ది వేడుకలను ఘనంగా నిర్వహాంచాలనుకున్న ప్రభుత్వానికి క్షేత్రస్థాయిలో ఇబ్బందులు తప్పడంలేదు. మే 23న పంచాయతీలకు పెండింగ్‌లో ఉన్న రూ. 12 వందల కోట్ల బిల్లులను క్లియర్ చేస్తామని ప్రభుత్వం ప్రకటించింది.
హైదరాబాద్: తెలంగాణ దశాబ్ది వేడుకలను (Telangana Decade Celebrations) ఘనంగా నిర్వహాంచాలనుకున్న ప్రభుత్వానికి క్షేత్రస్థాయిలో ఇబ్బందులు తప్పడంలేదు. మే 23న పంచాయతీలకు పెండింగ్‌లో ఉన్న రూ. 12 వందల కోట్ల బిల్లులను (12 Hundred Crore Bills) క్లియర్ చేస్తామని ప్రభుత్వం ప్రకటించింది. దీంతో రాష్ట్ర వ్యాప్తంగా బీఆర్ఎస్ నేతలు (BRS Leaders) సంబరాలు చేసుకున్నారు. అయితే ప్రభుత్వం ప్రకటన చేసి 10 రోజులు గడుస్తున్నా.. ఇప్పటి వరకు సర్పంచ్‌లకు నిధులు అందలేదు. చాలా చోట్ల ఆస్తులు అమ్మి, అప్పులు చేసి సర్పంచ్‌లు అభివృద్ధి పనులు చేశారు.
పెండింగ్‌లో ఉన్న బిల్లులను ఇప్పటి వరకు విడతలవారీగా చెల్లిస్తున్నామని సంబంధిత శాఖ మంత్రి చెబుతున్నా.. అది ఎక్కడా అమలు కావడంలేదు. ఒక్కో గ్రామ పంచాయతీలో రూ. 10 నుంచి 50 లక్షల వరకు బిల్లులు పెండింగ్‌లో ఉన్నాయి. కొన్ని గ్రామాలకు కొంతమేర మాత్రమే నిధులు విడుదల చేసి ప్రభుత్వం చేతులు దులుపుకుంటోందని సర్పంచులు ఆరోపిస్తున్నారు. ఇక రాష్ట్ర స్థాయి నుంచి గ్రామ స్థాయి వరకు జూన్ 2న రాష్ట్ర అవతరణ దశాబ్ది వేడుకలను వైభంగా నిర్వహించాలని సర్కార్ నిర్ణయించింది. 21 రోజుల పాటు ఉత్సవాలు జరపాలని.. దీనికి సంబంధించిన షెడ్యూల్‌ను విడుదల చేసింది.
Updated Date - 2023-06-01T15:43:39+05:30 IST