Komatireddy Raj gopal Reddy: రేవంత్‌ను బిచ్చగాడిగా అభివర్ణించిన కోమటిరెడ్డి
ABN, First Publish Date - 2023-05-22T14:54:51+05:30
టీపీసీసీ చీఫ్ రేవంత్ రెడ్డిని బీజేపీ నేత కోమటిరెడ్డి రాజగోపాల్ రెడ్డి బిచ్చగాడితో అభివర్ణించారు.
హైదరాబాద్: టీపీసీసీ చీఫ్ రేవంత్ రెడ్డిని (TPCC Chief Revanth Reddy) బీజేపీ నేత కోమటిరెడ్డి రాజగోపాల్ రెడ్డి (BJP Leader Koamatireddy Rajgopal reddy) బిచ్చగాడితో అభివర్ణించారు. సోమవారం మీడియాతో నిర్వహించిన చిట్‌చాట్‌లో కోమటిరెడ్డి మాట్లాడుతూ... రేవంత్ రెడ్డి వచ్చినా.. బీజేపీలో (BJP) చేర్చుకోవటం కష్టమే అంటూ వ్యాఖ్యలు చేశారు. రేవంత్ బీజేపీలోకి వస్తానంటే ఆలోచించాల్సిందే అని.. ఆయనపై ఉన్న కేసులు చెక్ చేయాలన్నారు. క్లీన్ ఇమేజ్ ఉన్నవాళ్ళని మాత్రమే బీజేపీ చేర్చుకుంటోందని తెలిపారు. రేవంత్ రెడ్డి కాంగ్రెస్‌లో (Congress) వలసవాదన్నారు. ఆయన తమలాంటి వాళ్ళను కాంగ్రెస్‌లోకి ఆహ్వానించడం హాస్యాస్పదమన్నారు. కేసీఆర్ కుటుంబం నుంచి ఇద్దరు ముగ్గురు జైలుకు వెళ్ళటం ఖాయమని స్పష్టం చేశారు. ఒక లక్ష్యం కోసం బీజేపీలో చేరామని.. బీజేపీకి వీడే ప్రస్తక్తే లేదని స్పష్టం చేశారు. కొత్తగా చేరిన వారికి కూడా అవకాశాలిస్తే.. బీజేపీ మరింత బలోపేతమవుతోందని అభిప్రాయపడ్డారు. బలమైన నేతలను బీజేపీ నాయకత్వం ఉపయోగించుకోవాలనేదే తన అభిప్రాయమన్నారు. అవినీతిపరులపై కఠినంగా వ్యవహరచాలని.. ఆధారాలు కావాలంటే తామిస్తామని పార్టీకి చెప్పామని కోమటిరెడ్డి రాజగోపాల్ రెడ్డి పేర్కొన్నారు.
Updated Date - 2023-05-22T14:59:12+05:30 IST