TS High Court: ల్యాండ్ వివాదంలో దర్శకుడు శంకర్‌కు ఊరట
ABN, First Publish Date - 2023-07-07T14:35:32+05:30
భూ కేటాయింపు వివాదంలో ప్రముఖ దర్శకుడు ఎన్.శంకర్‌కు భారీ ఉపశమనం లభించింది. భూ వివాదంలో జోక్యం చేసుకోలేమంటూ హైకోర్టు తీర్పు వెలువరించింది. దర్శకుడు ఎన్.శంకర్‌కు భూమి కేటాయింపును న్యాయస్థానం సమర్థించింది. దర్శకుడికి భూ కేటాయింపుపై దాఖలైన పిల్‌ను ధర్మాసనం కొట్టివేసింది.
హైదరాబాద్: భూ కేటాయింపు వివాదంలో ప్రముఖ దర్శకుడు ఎన్.శంకర్‌కు (Director Shankar ) భారీ ఉపశమనం లభించింది. భూ వివాదంలో జోక్యం చేసుకోలేమంటూ హైకోర్టు తీర్పు వెలువరించింది. దర్శకుడు ఎన్.శంకర్‌కు భూమి కేటాయింపును న్యాయస్థానం సమర్థించింది. దర్శకుడికి భూ కేటాయింపుపై దాఖలైన పిల్‌ను ధర్మాసనం (TS High Court) కొట్టివేసింది.
స్టూడియో నిర్మాణం కోసం 2019లో శంకర్‌కు రాష్ట్ర ప్రభుత్వం భూమి కేటాయించింది. రంగారెడ్డి జిల్లా శంకర్‌పల్లి మండలం మోకిళ్ల వద్ద 5 ఎకరాలు భూమిని కేటాయించింది. తక్కువ ధరకు భూమి కేటాయించడంపై జయశంకర్ అనే వ్యక్తి హైకోర్టులో పిటిషన్ వేశాడు. అప్పట్నుంచీ కేసు వివాదం కొనసాగుతూ వచ్చింది. ఎట్టకేలకు దీనికి ముగింపు పలుకుతూ శుక్రవారం దర్శకుడు ఎన్.శంకర్‌కు అనుకూలంగా న్యాయస్థానం తీర్పు వెలువరించింది. దీంతో దర్శకుడికి బిగ్ రిలీఫ్ దొరికింది.
దర్శకుడు ఎన్.శంకర్ టాలీవుడ్‌లో అనేక చిత్రాలు తీశారు. జై బోలో తెలంగాణ చిత్రానికి శంకర్ నంది అవార్డు అందుకున్నారు. ఆయన దర్శకత్వంలో శ్రీరాములయ్య, జయం మనదే రా, ఆయుధం, భద్రాచలం లాంటి హిట్ చిత్రాలు అందించారు.
Updated Date - 2023-07-07T14:35:32+05:30 IST