Crime: వేర్వేరు చోట్ల రెండు రోడ్డు ప్రమాదాలు..
ABN, First Publish Date - 2023-07-30T10:38:21+05:30
హైదరాబాద్: నగరంలో ఆదివారం తెల్లవారుజామున రెండు వేర్వేరు చోట్ల రోడ్డు ప్రమాదాలు జరిగాయి. ఈ ఘటనలో ముగ్గురు ప్రాణాలు కోల్పోయారు. పోలీసులు కేసు నమోదు చేసి దర్యాప్తు చేపట్టారు.
హైదరాబాద్: నగరంలో ఆదివారం తెల్లవారుజామున రెండు వేర్వేరు చోట్ల రోడ్డు ప్రమాదాలు జరిగాయి. ఈ ఘటనలో ముగ్గురు ప్రాణాలు కోల్పోయారు. పోలీసులు కేసు నమోదు చేసి దర్యాప్తు చేపట్టారు.
రాజేంద్రనగర్ ఆరంఘర్ చౌరస్తాలో ఆదివారం తెల్లవారుజామున రోడ్డు ప్రమాదం జరిగింది. అతి వేగంగా వస్తున్న రెండు వాహనాలు.. కారు, బైక్ విద్యుత్ స్తంభానికి ఢీ కొట్టాయి. ఈ ప్రమాదంలో మోటారు బైక్‌పై ప్రయాణిస్తున్న వ్యక్తి మృతి చెందాడు. స్తంభానికి ఢీ కొట్టిన కారు. ఎయిర్ బెలూన్స్ ఒపెన్ కావడంతో ప్రాణాపాయం తప్పింది. దీంతో కారు డ్రైవర్ కారు వదలి పరారయ్యాడు. కారులో మద్యం బాటిల్స్ లభ్యమయ్యాయి. మద్యం మత్తులో కారు నడిపినట్లు అనుమానం వ్యక్తం చేస్తున్నారు. కేసు నమోదు చేసి దర్యాప్తు చేస్తున్న రాజేంద్రనగర్ పోలీసులు.
మరో ప్రమాదం కుషాయిగూడ ఈసిఐఎల్ చౌరస్తా వద్ద రోడ్డు ప్రమాదం జరిగింది. ఈ ఘటనలో ఇద్దరు యువకులు దుర్మరణం చెందారు. ఆదివారం తెల్లవారు జామున 5 గంటల సమయంలో ఈ ప్రమాదం జరిగింది. మౌలాలి నుంచి పల్సర్ మోటార్ సైకిల్ పై కుషాయిగూడ వైపుగా వస్తున్న ఇద్దరు యువకులు క్రాంతి (33), నరేష్ (23)లు అంబేద్కర్ హైలాండ్‌ను ఢీకొని అక్కడికక్కడే మృతి చెందారు. క్రాంతి మౌలాలికి చెందినవాడు.. కాగా నరేష్ జనగామకు చెందిన యువకుడని సమాచారం. పోలీసులు కేసు నమోదు చేసి దర్యాప్తు చేపట్టారు. ఇంకా పూర్తి వివారాలు తెలియాల్సి ఉంది.
Updated Date - 2023-07-30T10:38:21+05:30 IST