Rahul: మహబూబ్‌నగర్ జిల్లాలో నేడు రాహుల్ బస్సు యాత్ర..
ABN, First Publish Date - 2023-11-01T08:17:57+05:30
మహబూబ్ నగర్ జిల్లా: కాంగ్రెస్ అగ్రనేత రాహుల్ గాంధీ బుధవారం ఉమ్మడి మహబూబ్ నగర్ జిల్లాలో బస్సు యాత్ర చేయనున్నారు. ఈ రోజు సాయంత్రం మూడు గంటలకు హెలికాప్టర్ ద్వారా నాగర్ కర్నూల్ జిల్లా కల్వకుర్తికి రానున్నారు.
మహబూబ్‌నగర్ జిల్లా: కాంగ్రెస్ అగ్రనేత రాహుల్ గాంధీ (Rahul Gandhi) బుధవారం ఉమ్మడి మహబూబ్ నగర్ జిల్లాలో బస్సు యాత్ర (Bus Yatra) చేయనున్నారు. ఈ రోజు సాయంత్రం మూడు గంటలకు హెలికాప్టర్ ద్వారా నాగర్ కర్నూల్ జిల్లా కల్వకుర్తికి రానున్నారు. కల్వకుర్తిలో కార్నర్ మీటింగ్‌లో పాల్గొంటారు. అనంతరం నాలుగు గంటలకు మహబూబ్‌నగర్ జిల్లా జడ్చర్లలో కార్నర్ మీటింగ్ నిర్వహిస్తారు. సాయంత్రం ఐదు గంటలకు రంగారెడ్డి జిల్లా, షాద్‌నగర్‌లో రైల్వే స్టేషన్ నుంచి బస్ స్టేషన్ కూడలి వరకు పాదయాత్ర చేస్తారు.
రాహుల్ గాంధీ టూర్ అప్డేట్స్..
బుధవారం మధ్యాహ్నం వరకు రాహుల్ గాంధీ టైం రిజర్వ్ చేశారు. నోవోటెల్ హోటల్‌లోనే ఉంటారు. పార్టీ నేతలతో పలు అంశాలపై చర్చలు జరపనున్నారు. పెండింగ్ సీట్లపై టీపీసీసీ నేతలతో చర్చించనున్నారు. కమ్యూనిస్టుల సీట్లపై కూడా క్లారిటీ వచ్చే అవకాశముంది. కాగా రాహుల్ సమక్షంలో పలువురు నేతలు కాంగ్రెస్ కండువా కప్పుకొనున్నారు. మధ్యాహ్నం కల్వకుర్తి, జడ్చర్ల, షాద్‌నగర్ నియోజకవర్గాల్లో రాహుల్ గాంధీ ఎన్నికల ప్రచారం చేయనున్నారు.
Updated Date - 2023-11-01T08:17:57+05:30 IST