Harish Rao: ఎవరెన్ని ట్రిక్కులు చేసినా హ్యాట్రిక్ కొట్టేది కేసీఆరే
ABN, First Publish Date - 2023-11-01T14:52:00+05:30
ఎవరెన్ని ట్రిక్కులు చేసినా హ్యాట్రిక్ కొట్టేది కేసీఆరేనని మంత్రి హరీశ్‌రావు (Harish Rao) అన్నారు. పాపన్నపేట మండలం ఎస్‌ఆర్ గార్డెన్‌లో నిర్వహించిన కార్యకర్తల సమావేశంలో
మెదక్: ఎవరెన్ని ట్రిక్కులు చేసినా హ్యాట్రిక్ కొట్టేది కేసీఆరేనని మంత్రి హరీశ్‌రావు (Harish Rao) అన్నారు. పాపన్నపేట మండలం ఎస్‌ఆర్ గార్డెన్‌లో నిర్వహించిన కార్యకర్తల సమావేశంలో హరీశ్‌రావు పాల్గొని మాట్లాడారు. ‘‘మెదక్‌కు, బీఆర్ఎస్ పార్టీకి (BRS) ముఖ్యమైన ఎన్నికలు. భవిష్యత్ దృష్టిలో పెట్టుకొని ఆలోచించాలి. భవిష్యత్ నిర్ణయించే ఎన్నిక ఇది. ఎరువులకు, నీళ్లకు, కరెంట్‌కు ఎన్ని కష్టాలు పడ్డామో గుర్తు ఉండే ఉంటుంది. సీఎం కేసీఆర్ (CM Kcr) తెలంగాణను దేశానికే ఆదర్శంగా నిలిపారు. హైదరాబాద్ నుంచి బెంజ్ కారులో వచ్చి ఆత్మగౌరవం గురించి మాట్లాడితే నమ్ముతారా?, ప్రతి రైతుకూ రూ. 15 వేలు అంటూ కుట్ర చేస్తున్నది కాంగ్రెస్ (Congress). ఎన్ని ఎకరాలు ఉన్నా రూ.15 వేలే ఇస్తారు. కేసీఆర్ ప్రతి ఎకరాకు 16 వేలు అంటే.. కాంగ్రెస్ ప్రతి రైతుకు రూ.15 వేలు అంటున్నది. ప్రజలు ఆలోచించాలి. 5 గంటల కరెంట్ మాత్రమే ఇస్తున్నాం అని ఒప్పుకొని నెత్తిన పాలు పోసిండు డీకే. శివకుమార్. ఛత్తీస్‌గడ్‌లో కొనేది ఎకరాకు 13 క్వింటాళ్ల వడ్లు మాత్రమే. మిగతా కొనరు. కానీ మన దగ్గర ప్రతి గింజ కొనుగోలు చేస్తారు.’’ అని తెలిపారు.
‘‘మనది మంచి మేనిఫెస్టో. ప్రజలందరికీ చేర్చాలి. భవిష్యత్ దృష్టిలో పెట్టుకొని ఓటు వేయాలి. మోసపోతే గోస పడతాం. పదేళ్లలో ఎంతో మార్పు వచ్చింది. ఇంకా చేసుకుందాం. ఇందిరాగాంధీ వచ్చినప్పటి నుంచి జిల్లా చేస్తా అని మాట తప్పారు. సీఎం కేసీఆర్ ఆ కలను సాకారం చేశారు. విష ప్రచారాలు తిప్పి కొట్టాలి మెదక్‌లో గులాబీ జెండా ఎగరాలి.’’ అని కార్యకర్తలకు మంత్రి పిలుపునిచ్చారు.
Updated Date - 2023-11-01T14:52:08+05:30 IST