TS News: మరో వారం రోజుల్లో మళ్లీ ఇక్కడికి వస్తా: హరీశ్
ABN, First Publish Date - 2023-04-22T17:29:26+05:30
జిల్లాలోనే మొదటి సారిగా కొనుగోలు కేంద్రం ప్రారంభించామాని మంత్రి హరీష్ రావు (Harish Rao) సంతోషాన్ని వ్యక్తం చేశారు.
సిద్దిపేట: జిల్లాలోనే మొదటి సారిగా కొనుగోలు కేంద్రం ప్రారంభించామాని మంత్రి హరీష్ రావు (Harish Rao) సంతోషాన్ని వ్యక్తం చేశారు. సిద్దిపేట నియోజకవర్గం‌లోనే మొదటి సారిగా డబుల్ బెడ్ రూం ఇండ్లను నిర్మించి.. ప్రారంభించామన్నారు. అలాగే వెల్కటూర్ గ్రామంలో కాలుకు మట్టి అంటకుండా సీసీ రోడ్లు నిర్మించామని చెప్పారు. సిద్దిపేట అర్బన్ మండల పరిధిలోని వెల్కటూర్ గ్రామంలో వడ్ల కొనుగోలు కేంద్రాన్ని మంత్రి ప్రారంభించారు. ఈ సందర్భంగా ఆయన మాట్లాడారు. మరో వారం రోజుల్లో మళ్లీ వస్తా.. కొన్ని అభివృద్ధి పనులు ప్రారంభించుకుందామని తెలిపారు. త్వరలోనే గృహలక్ష్మి పథకం ద్వారా వెల్కటూర్ గ్రామానికి ఇండ్లు మంజూరు చేస్తామన్నారు. రైతులకు ఇబ్బందులు లేకుండా అన్ని ఏర్పాట్లు చేయాలని అధికారులను ఆదేశించామన్నారు. కేంద్రంలోని బీజేపీ ప్రభుత్వం యాసంగి ధాన్యం కొనమని చెప్పినా.. సీఎం కేసీఆర్ కొంటామని చెప్పారని పేర్కొన్నారు. కొనుగోలు పూర్తయిన రెండు రోజుల్లోనే రైతుల ఖాతాల్లో డబ్బులు జమ చేస్తామన్నారు.
Updated Date - 2023-04-22T17:29:26+05:30 IST