శంషాబాద్ మహిళ హత్య జరిగిన రోజు అసలేం జరిగిందో చెప్పిన కోడలు..
ABN, First Publish Date - 2023-08-12T13:55:29+05:30
శంషాబాద్‌లో మంజుల అనే మహిళ హత్య సంచలనం రేపిన విషయం తెలిసిందే. అసలు మంజుల హత్య జరిగిన రోజు ఏం జరిగిందో ఆమె కోడలు ఏబీఎన్ ఆంధ్రజ్యోతికి వివరించింది. హాస్పిటల్‌కు వెళ్తున్న అని చెప్పి పదవ తేదీ ఉదయం తన అత్త మంజుల బయటికి వెళ్లిందని వెల్లడించింది.
హైదరాబాద్ : శంషాబాద్‌లో మంజుల అనే మహిళ హత్య సంచలనం రేపిన విషయం తెలిసిందే. అసలు మంజుల హత్య జరిగిన రోజు ఏం జరిగిందో ఆమె కోడలు అఖిల ఏబీఎన్ ఆంధ్రజ్యోతికి వివరించింది. హాస్పిటల్‌కు వెళ్తున్న అని చెప్పి పదవ తేదీ ఉదయం తన అత్త మంజుల బయటికి వెళ్లిందని వెల్లడించింది. అప్పటి నుంచి తాము కాల్స్ చేసినా ఫోన్ రెస్పాండ్ అవ్వలేదన్నారు. రాత్రి అయిన ఇంటికి రాకపోవడంతో రాత్రి పోలీసులకు ఫిర్యాదు చేశామని అఖిల తెలిపారు.
అప్పటికే సాయి ఎన్‌క్లేవ్‌లో ఓ గుర్తు తెలియని మహిళ మృతదేహం లభ్యం అయనట్టు తెలిసిందని అఖిల తెలిపారు. ఘటనా స్థలంలో లభ్యమైన మృతురాలి మెట్టెలు, గాజులు, బీరువా తాళాలు తమకు చూపించారన్నారు. అవి తమ అత్త మంజులవిగా గుర్తించామన్నారు. మా అత్త ఒంటిపై బంగారు నగలు... తాళి బొట్టు ఉండేవన్నారు. హత్య జరిగిన తర్వాత బంగారు ఆభరణాలు కనబడలేదన్నారు. తమ అత్తను చంపి బంగారు నగలు ఎత్తుకెళ్లారన్నారు. మా అత్తను ఎవరు హత్య చేశారో పోలీసులు తేల్చాలన్నారు. నిందితుల్ని కఠినంగా శిక్షించాలని అఖిల డిమాండ్ చేశారు.
Updated Date - 2023-08-12T13:55:29+05:30 IST