Congress Youth Declaration: ప్రత్యేక తెలంగాణ కేసీఆర్ కుటుంబానికే ఉపయోగపడుతోంది: భట్టీ
ABN, First Publish Date - 2023-05-08T17:58:37+05:30
‘ప్రత్యేక తెలంగాణ సీఎం కేసీఆర్ (CM KCR) కుటుంబానికే ఉపయోగపడుతోంది. ఇదేనా మేము కోరుకున్న తెలంగాణ అని యువత ప్రశ్నిస్తున్నారు
హైదరాబాద్ ‘‘ప్రత్యేక తెలంగాణ సీఎం కేసీఆర్ (CM KCR) కుటుంబానికే ఉపయోగపడుతోంది. ఇదేనా మేము కోరుకున్న తెలంగాణ అని యువత ప్రశ్నిస్తున్నారు’’ సీఎల్పీ నేత భట్టి విక్రమార్క (Bhatti Vikramarka) తెలిపారు. సరూర్నగర్లో కాంగ్రెస్ యువ సంఘర్షణ సభలో భట్టి మాట్లాడుతూ కొలువుల కోసమే కొట్లాడి తెలంగాణ తెచ్చుకున్నామని, ఈరోజు ఉద్యోగాలు లేక నిరుద్యోగులు అల్లాడిపోతున్నారని ఆందోళన వ్యక్తం చేశారు. యువత ఆత్మార్పణం చేసుకుంటుంటే చూడలేక.. కాంగ్రెస్ నేత సోనియాగాంధీ (Sonia Gandhi) తెలంగాణ ఇచ్చారని గుర్తుచేశారు. విద్యార్థులు, నిరుద్యోగులందరం ఏకం కావాలని, తెలంగాణ ఉద్యమాన్ని స్ఫూర్తిగా తీసుకుని మరోసారి పిడికిలి బిగించాలని ఆయన పిలుపునిచ్చారు. మన ఆశలు, ఆశయాలు సాధించుకుందామని, కేంద్రం నుంచి పరిశ్రమలు, వివిధ సంస్థలను తెచ్చుకోవాలని భట్టి విక్రమార్క పిలుపునిచ్చారు.
ముఖ్య అతిథిగా ప్రియాంక గాంధీ
సరూర్నగర్లో కాంగ్రెస్ యువ సంఘర్షణ సభ నిర్వహించారు. ఈ సభకు ముఖ్య అతిథిగా ప్రియాంక గాంధీ హాజరయ్యారు. ఈ సభలో ఠాక్రే, రేవంత్‌ రెడ్డి, ఉత్తమ్‌, పార్టీ సీనియర్ నేతలు పాల్గొన్నారు. ఈ సందర్భంగా హైదరాబాద్ యూత్ డిక్లరేషన్‌ను ప్రియాంకగాంధీ ప్రకటించనుంది. మృతిచెందిన కాంగ్రెస్ కార్యకర్తల కుటుంబాలకు రూ.2 లక్షల చొప్పున చెక్కులను ప్రియాంక గాంధీ అందజేశారు.
Updated Date - 2023-05-08T18:04:22+05:30 IST