TS News: ఆకతాయికి దేహశుద్ధి చేసిన మహిళ
ABN, First Publish Date - 2023-04-03T11:39:25+05:30
మహబూబాబాద్: ఓ మహిళ (Woman) ఆకతాయికి నడిరోడ్డుపై దేహశుద్ధి చేసింది. ఆశ్లీలపదజాలంతో (Profanity) దూషించిన పోకిరీకి ఆ మహిళ తగిన బుద్ధి చెప్పింది.
మహబూబాబాద్: ఓ మహిళ (Woman) ఆకతాయికి నడిరోడ్డుపై దేహశుద్ధి చేసింది. ఆశ్లీలపదజాలంతో (Profanity) దూషించిన పోకిరీకి ఆ మహిళ తగిన బుద్ధి చెప్పింది. ఈ ఘటన మహబూబాబాద్ జిల్లా కేంద్రంలో చోటు చేసుకుంది. మహిళ స్కూటీపై వెళుతుండగా వెనుకనుంచి బైక్‌పై వచ్చిన ఇద్దరు ఆకతాయిలు అశ్లీల పదజాలంతో వేధింపులకు పాల్పడ్డారు. దీంతో ఆగ్రహం వ్యక్తం చేసిన మహిళ... స్కూటీని ఆపి నడిరోడ్డుపై పోకిరీకి చెప్పుతో కొట్టింది. ఆ మహిళ ధైర్యాన్ని స్థానికులు మెచ్చుకున్నారు. పోకిరీకి తగిన శాస్తి జరిగిందన్నారు. ఈ చిత్రాన్ని స్థానికులు సెల్ ఫోన్‌లో చిత్రీకరించి.. సోషల్ మీడియాలో పెట్టడంతో వైరల్‌గా మారింది. ఇటీవల ములుగు జిల్లాలో లైంగికంగా వేధిస్తున్న ఓ యువకుడి చేతులను యువతి కట్టేసి అతనిని పొడిచి చంపిన ఘటన మరువకముందే ఉమ్మడి వరంగల్ జిల్లా మహబూబాబాద్ ఈ ఘటన చోటు చేసుకోవడం కలకలం రేపుతోంది.
Updated Date - 2023-04-03T11:39:25+05:30 IST