Kishan Reddy: హనుమకొండకు చేరుకున్న కిషన్ రెడ్డి.. ఘన స్వాగతం
ABN, First Publish Date - 2023-07-07T10:20:37+05:30
బీజేపీ రాష్ట్ర నూతన అధ్యక్షులు కిషన్ రెడ్డి హనుమకొండ జిల్లాకు చేరుకున్నారు. ఈ సందర్భంగా కిషన్ రెడ్డి బీజేపీ శ్రేణులు ఘన స్వాగతం పలికారు. కాసేపట్లో భద్రకాళీ అమ్మవారి ఆలయంలో బీజేపీ అధ్యక్షులు ప్రత్యేక పూజలు చేయనున్నారు. అనంతరం హనుమకొండ ఆర్ట్స్ అండ్ సైన్స్ కళాశాల మైదానంలో బీజేపీ సభా ఏర్పాట్లను కిషన్ రెడ్డి పరిశీలించనున్నారు.
హనుమకొండ: బీజేపీ రాష్ట్ర నూతన అధ్యక్షులు కిషన్ రెడ్డి (Telangana BJP Chief Kishan Reddy) హనుమకొండ జిల్లాకు చేరుకున్నారు. ఈ సందర్భంగా కిషన్ రెడ్డి బీజేపీ శ్రేణులు ఘన స్వాగతం పలికారు. కాసేపట్లో భద్రకాళీ అమ్మవారి ఆలయంలో బీజేపీ అధ్యక్షులు ప్రత్యేక పూజలు చేయనున్నారు. అనంతరం హనుమకొండ ఆర్ట్స్ అండ్ సైన్స్ కళాశాల మైదానంలో బీజేపీ సభా ఏర్పాట్లను కిషన్ రెడ్డి పరిశీలించనున్నారు.
కాగా.. రేపు (శనివారం) వరంగల్ నగరంలో ప్రధాని నరేంద్రమోదీ (PM Narendra Modi) పర్యటించనున్నారు. తొలిసారిగా మోదీ వరంగల్ నగరానికి వస్తున్నారు. ఈ క్రమంలో అధికారులు విస్తృత స్థాయిలో భద్రతా ఏర్పాట్లు చేస్తున్నారు. మోదీ పర్యటన చేసే ప్రాంతాలను భద్రతా బలగాలు ఆధీనంలోకి తీసుకున్నాయి. ప్రధానమంత్రి పర్యటన నేపథ్యంలో వరంగల్ నగరంలో పోలీసుల ఆంక్షలు విధించారు. నో ప్లైయింగ్ జోన్‌గా వరంగల్ నగరాన్ని ప్రకటించారు. డ్రోన్లు, రిమోట్ కంట్రోల్ డివైజెస్‌‌పై నిషేధం విధించడంతో పాటు నగరంలో 144 సెక్షన్ అమలు చేశారు. మామునూర్ ఎయిర్ పోర్ట్, ఆర్ట్స్ కాలేజీ మైదానం ఎస్‌పీజీ భద్రతా వలయంలోకి వెళ్లిపోయింది. రేపు రైల్వే మ్యానుఫ్యాక్చరింగ్ యూనిట్‌తో పాటు 6,050 కోట్ల అభివృద్ధి పనులకు ప్రధాని శంకుస్థాపన చేయనున్నారు. అనంతరం బీజేపీ బహిరంగ సభలో మోదీ పాల్గొననున్నారు. మోదీ పర్యటన నేపథ్యంలో వరంగల్ నగరంలో బీజేపీ నేతల సందడి నెలకొంది. హోటళ్లు, లాడ్జీలు బీజేపీ నేతల రాకతో కిటకిటలాడుతున్నాయి.
Updated Date - 2023-07-07T10:20:37+05:30 IST