Warangal: కలెక్టరేట్లో CPRపై అవగాహన కార్యక్రమం..హాజరైన మంత్రి
ABN, First Publish Date - 2023-03-18T13:17:51+05:30
జిల్లాలోని కలెక్టరేట్లో(Collectorate) CPRపై అవగాహన కార్యక్రమం శనివారం నిర్వహించారు. ఈ కార్యక్రమానికి మంత్రి
వరంగల్ : జిల్లాలోని కలెక్టరేట్లో(Collectorate) CPRపై అవగాహన కార్యక్రమం శనివారం నిర్వహించారు. ఈ కార్యక్రమానికి మంత్రి ఎర్రబెల్లి దయాకరరావు(Minister Errabelli Dayakara Rao), కలెక్టర్ ప్రావీణ్య(Collector Pravinya), సీపీ రంగనాథ్(CP Ranganath), మేయర్ గుండు సుధారాణి(Mayor Gundu Sudharani) హాజరయ్యారు. CPRపై వైద్యులతో అవగాహన సదస్సులో పాల్గొన్నారు. వైద్యులు చూపించనట్లుగా CPR ప్రాక్టీస్ను మంత్రి, అధికారులు, ప్రజాప్రతినిధులు చేశారు. అనంతరం మంత్రి ఎర్రబెల్లి మీడియాతో మాట్లాడుతూ.. అప్పటి వరకు ఆడుతూ పాడుతూ కళ్లముందే తిరిగే వారు చూస్తుండగానే క్షణాల్లో ప్రాణాలు కోల్పోయిన ఘటలను నేడు మనం ఎన్నో చూస్తున్నాం అన్నారు. ప్రమాదంలో పడిన గుండెకు సత్వర చికిత్స అత్యవసరమన్నారు. గుండెపోటు వచ్చిందంటే.. ఆస్పత్రికి చేర్చి వైద్య చికిత్స అందించేలోపు ఏమైనా జరిగే ప్రమాదం ఉందన్నారు. అందుకే గుండెపోటుకు గురైన వారికి సత్వరంగా ప్రాథమిక చికిత్స అందించాలని, అందుకోసం రాష్ట్ర ప్రభుత్వం CPRపైన శిక్షణ కార్యక్రమాన్ని ప్రారంభించిందని మంత్రి తెలిపారు.
Updated Date - 2023-03-18T13:17:51+05:30 IST