విద్యుత్‌ సిబ్బంది సేవలే కీలకం
ABN, Publish Date - Mar 04 , 2024 | 10:35 PM
విద్యుత్‌ సంస్థ మనుగడ, వినియోగదారులకు మెరుగైన సేవలు అందించడంలో విద్యుత్‌ సిబ్బంది సేవలు ఎంతో కీలకమని విద్యుత్‌శాఖ ఎస్‌ఈ విజియన్‌ పేర్కొన్నారు.
నెల్లూరు(జడ్పీ), మార్చి4 : విద్యుత్‌ సంస్థ మనుగడ, వినియోగదారులకు మెరుగైన సేవలు అందించడంలో విద్యుత్‌ సిబ్బంది సేవలు ఎంతో కీలకమని విద్యుత్‌శాఖ ఎస్‌ఈ విజియన్‌ పేర్కొన్నారు. స్థానిక విద్యుత్‌ భవన్‌లో సోమవారం లైన్‌మ్యాన్‌ దినోత్సవం నిర్వహించారు. ఈసందర్భంగా ఆయన మాట్లాడుతూ విద్యుత్‌ వ్యవస్థ బలంగా ఉండడానికి కారణం కిందిస్థాయి సిబ్బంది సేవలేనని పేర్కొన్నారు. విధి నిర్వహణలో సిబ్బంది జాగ్రత్తలు పాటిస్తూ ప్రమాదాలు జరగకుండా అప్రమత్తంగా ఉండాలన్నారు. నగర ఎగ్జిక్యూటివ్‌ ఇంజనీర్‌ సోమశేఖర్‌రెడ్డి మాట్లాడుతూ సాధారణ సమయాల్లోనే కాకుండా ప్రకృతి వైపరీత్యాల సమయాల్లోనూ సిబ్బంది సేవలు అభినందనీయమన్నారు. ఈ సందర్భంగా పలువురు లైన్‌మెన్‌లకు ఉత్తమ సేవా పురస్కారాలు అందజేశారు. ఈ కార్యక్రమంలో ఈఈలు మధుసూదన్‌రెడ్డి, కిరణ్‌, ఏడీలు, ఏఈలు పాల్గొన్నారు.
Updated Date - Mar 04 , 2024 | 10:37 PM
