Hyderabad: గుండెపోటుతో డీసీపీ కుమారుడి మృతి
ABN, Publish Date - Jan 24 , 2024 | 11:26 AM
గుండెపోటుతో డీసీపీ కుమారుడు మృతి చెందాడు. మాదాపూర్‌, సెంట్రల్‌ జోన్‌ డీసీపీగా పనిచేసి ప్రస్తుతం పోస్టింగ్‌ కోసం వెయిటింగ్‌లో ఉన్న ఎం. వెంకటేశ్వర్లు రెండో కుమారుడు చంద్రతేజ్‌ (28)గండిపేట సీబీఐటీ కాలేజీలో ఇంజనీరింగ్‌ పూర్తి చేశాడు.
రెజిమెంటల్‌బజార్‌(హైదరాబాద్), (ఆంధ్రజ్యోతి): గుండెపోటుతో డీసీపీ కుమారుడు మృతి చెందాడు. మాదాపూర్‌, సెంట్రల్‌ జోన్‌ డీసీపీగా పనిచేసి ప్రస్తుతం పోస్టింగ్‌ కోసం వెయిటింగ్‌లో ఉన్న ఎం. వెంకటేశ్వర్లు రెండో కుమారుడు చంద్రతేజ్‌ (28)గండిపేట సీబీఐటీ కాలేజీలో ఇంజనీరింగ్‌ పూర్తి చేశాడు. సొంతంగా బిజినెస్ చేసుకుంటున్నాడు. మంగళవారం తెల్లవారుజామున 3 గంటల ప్రాంతంలో ఛాతిలో నొప్పి రావడంతో ఓ ప్రైవేట్‌ ఆస్పత్రికి తీసుకెళ్లారు. చికిత్స పొందుతూ మృతి చెందాడు. మృతదేహాన్ని వెంకటేశ్వర్లు స్వగ్రామం నల్లగొండ జిల్లా, హాలియా మండలం, పంగవానికుంటకు తరలించారు. చంద్రతేజ్‌ ఇటీవల సంక్రాంతికి పండగ కానుకగా తన తండ్రికి కారు గిఫ్ట్‌గా ఇచ్చినట్లు సమాచారం. ఆ ఆనందం నుంచి తేరుకోకముందే కుమారుడు మృతి చెందడంతో తల్లిదండ్రులు తల్లడిల్లిపోతున్నారు. వెంకటేశ్వర్లుకు ఇద్దరు కుమారులు, కుమార్తె ఉన్నారు. పెద్ద కుమారుడు ఢిల్లీలో సివిల్స్‌కు సన్నద్ధమవుతున్నారు. కుమార్తె వివాహం ఇటీవల చేశారు.
Updated Date - Jan 24 , 2024 | 11:26 AM
