Zodiac Signs: ఆ రాశివారికి భాగస్వామి వైఖరి ఆనందం కలిగిస్తుందట!
ABN, Publish Date - May 04 , 2024 | 08:12 AM
నేడు (4-5-2024-శనివారం) సంకల్పం నెరవేరుతుంది. ప్రయాణాలు, ఉన్నత విద్యకు కావలసిన నిధులు సర్దుబాటవుతాయి. ఆర్థిక విషయాల్లో ప్రణాళికాబద్ధంగా వ్యవహరించి లక్ష్యాలు సాధిస్తారు. సమావేశాలు, ప్రదర్శనల్లో సత్ఫలితాలు సాధిస్తారు. బంధుమిత్రులతో ఆర్థిక వ్యవహారాలు చర్చకు వస్తాయి.
నేడు (4-5-2024 -శనివారం)సంకల్పం నెరవేరుతుంది. ప్రయాణాలు, ఉన్నత విద్యకు కావలసిన నిధులు సర్దుబాటవుతాయి. ఆర్థిక విషయాల్లో ప్రణాళికాబద్ధంగా వ్యవహరించి లక్ష్యాలు సాధిస్తారు. సమావేశాలు, ప్రదర్శనల్లో సత్ఫలితాలు సాధిస్తారు. బంధుమిత్రులతో ఆర్థిక వ్యవహారాలు చర్చకు వస్తాయి.
మేషం (మార్చి 21 - ఏప్రిల్‌ 20 మధ్య జన్మించిన వారు)
సినిమాలు, రాజకీయ రంగాల వారికి ఆర్థికంగా ప్రోత్సాహకరంగా ఉంటుంది. విద్యా రుణాలు మంజూరవుతాయి. నిధుల విషయంలో మీ వైఖరిని సమీక్షించుకుంటారు. పాత బకాయిలు వసూలవుతాయి. దీర్ఘకాలంగా వాయిదా పడుతున్న పనులు పూర్తి చేయగలుగుతారు.
వృషభం ( ఏప్రిల్‌ 21 - మే 20 మధ్య జన్మించిన వారు)
బంధుమిత్రుల కలయికతో మనసు ఉల్లాసంగా ఉంటుంది. పదిమందిని కలుపుకొని మంచి పనికి శ్రీకారం చుడతారు. యూనియన్‌ కార్యలాపాల్లో కీలకపాత్ర పోషిస్తారు. ఆర్థికపరమైన లక్ష్యాల సాధనలో సన్నిహితులు సహకరిస్తారు.
మిథునం (మే 21-జూన్‌ 21 మధ్య జన్మించిన వారు)
వృత్తి, వ్యాపారాల అభివృద్ధి కోసం దూరప్రాంతాలకు వెళ్లేందుకు అనుకూల సమయం. ఉద్యోగంలో మీ పురోగతిని సమీక్షించుకుంటారు. లక్ష్య సాధనకు పెద్దల సలహాలు స్వీకరిస్తారు. ప్రభుత్వ రంగ సంస్థల ఉద్యోగులు గత అనుభవంతో మంచి పురోగతి సాధిస్తారు.
కర్కాటకం (జూన్‌ 22 - జూలై 23 మధ్య జన్మించిన వారు)
సన్నిహితులో ముఖ్యమైన అంశాలు చర్చకు వస్తాయి. వేడుకలు, సమావేశాలకు సన్నాహాలు చేస్తారు. దూరప్రయాణాలకు అవసరమైన వసతులు సమకూర్చుకుంటారు. బంధుమిత్రులతో ఉల్లాసంగా గడుపుతారు. శ్రీ వేంకటేశ్వర స్వామి ఆరాధన మేలు చేస్తుంది.
సింహం (జూలై 24 - ఆగస్టు 23 మధ్య జన్మించిన వారు)
రుణాలు, ఆర్థిక విషయాల్లో పెద్దల సహకారం లభిస్తుంది. అడ్వాన్సులు, బిల్లులు అందుకుంటారు. మెడికల్‌ క్లెయిములు పరిష్కారం అవుతాయి. తల్లిదండ్రుల ఆరోగ్యం మెరుగుపడుతుంది. ఉద్యోగ, వ్యాపారాల్లో ఆర్థిక పరిస్థితిని సమీక్షించుకుంటారు.
కన్య (ఆగస్టు 24 - సెప్టెంబరు 23 మధ్య జన్మించిన వారు)
వివాహ నిర్ణయాలకు ప్రయత్నాలు చేస్తారు. బంధుమిత్రులతో ఉల్లాసంగా గడుపుతారు. సమావేశాలు సత్ఫలితాలనిస్తాయి. అనుబంధాలు బలపడతాయి. ఆర్థికపరిస్థితి ప్రోత్సాహకరంగా ఉంటుంది. భాగస్వామి వైఖరి ఆనందం కలిగిస్తుంది.
తుల (సెప్టెంబరు 24 - అక్టోబరు 23 మధ్య జన్మించిన వారు)
ఔషధాలు, ఆస్పత్రుల రంగాల ఉద్యోగులకు అనుకూలంగా ఉంటుంది. ఆరోగ్యం మెరుగుపడుతుంది. వ్యవసాయం, పరిశ్రమల రంగాల వారికి ఆర్థికంగా ప్రోత్సాహకరంగా ఉంటుంది. ఆహార నియమాలు పాటిస్తారు. ఆరోగ్య బీమా గురించి ఆరా తీస్తారు.
వృశ్చికం (అక్టోబరు 24 - నవంబరు 22 మధ్య జన్మించిన వారు)
ప్రేమానుబంధాలు బలపడతాయి. వివాహ నిరయాలకు అనుకూలం. షేర్‌మార్కెట్‌ లావాదేవీలు లాభిస్తాయి. శుభకార్యాలు, వేడుకలకు ఏర్పాట్లు చేస్తారు. క్రీడలు, అడ్వర్టయిజ్‌మెంట్‌, విద్యారంగాల వారికి ప్రోత్సాహకరంగా ఉంటుంది. సంకల్పం నెరవేరుతుంది.
ధనుస్సు (నవంబరు 23 - డిసెంబరు 21 మధ్య జన్మించిన వారు)
నిర్మాణం, హార్డ్‌వేర్‌, ఇంటీరియర్స్‌ రంగాల వ్యాపారులకు ప్రోత్సాహకరంగా ఉంటుంది. బదిలీలు, మార్పుల కోసం చేసే ప్రయత్నాలు ఫలిస్తాయి. కుటుంబ సభ్యుల ఆరోగ్యం మెరుగుపడుతుంది. ఉద్యోగరంగంలో చేపట్టిన పనులు పట్టుదలతో పూర్తి చేస్తారు.
మకరం (డిసెంబరు 22-జనవరి 20 మధ్య జన్మించిన వారు)
సన్నిహి తుల నుంచి శుభవార్త అందుకుంటారు. విద్యార్థులు అనుకున్న ఫలితాలు సాధిస్తారు. ప్రియతములతో ప్రయాణాలు ఆనందం కలిగిస్తాయి. రవాణా, ఏజెన్సీలు, స్టేషనరీ వ్యాపారులకు ప్రోత్సాహకరంగా ఉంటుంది. లలితా దేవిని ఆరాధించండి.
కుంభం (జనవరి 21 - ఫిబ్రవరి 19 మధ్య జన్మించిన వారు)
ఆర్థిక వ్యవహారాలకు సంబంధించి ముఖ్యమైన నిర్ణయం తీసుకుంటారు. గృహరుణాలు మంజూరవుతాయి. విలువైన వస్తువులు కొనుగోలు చేస్తారు. కుటుంబ సభ్యులతో షాపింగ్‌ ఉల్లాసం కలిగిస్తుంది. ఆర్థిక పరిస్థితి ప్రోత్సాహకరంగా ఉంటుంది.
మీనం (ఫిబ్రవరి 20 - మార్చి 20 మధ్య జన్మించిన వారు)
సోదరీసోదరుల వ్యవహారాల్లో శుభపరిణామాలు సంభవం. సన్నిహితులతో చర్చలు మనసుకు ఉల్లాసం కలిగిస్తాయి. స్టేషనరీ, రవాణా, ఏజెన్సీ వ్యాపారులు కొత్త పనులు చేపట్టేందుకు అనుకూల సమయం. చర్చలు, ప్రయాణాలు లాభిస్తాయి.
- బిజుమళ్ళ బిందుమాధవ శర్మ
Updated Date - May 04 , 2024 | 08:25 AM
