గాజాపై ఇజ్రాయెల్‌ దాడిలో 16 మంది మృతి
ABN, Publish Date - Sep 17 , 2024 | 04:09 AM
గాజాపై ఇజ్రాయెల్‌ మరోసారి విరుచుకుపడింది. సోమవారం ఉదయం గాజాలోని న్యూసెరాట్‌ శరణార్థుల శిబిరం సమీపంలోని ఓ ఇంటిపై బాంబుల వర్షం కురిపించింది.
జెరూసలేం, సెప్టెంబరు 16: గాజాపై ఇజ్రాయెల్‌ మరోసారి విరుచుకుపడింది. సోమవారం ఉదయం గాజాలోని న్యూసెరాట్‌ శరణార్థుల శిబిరం సమీపంలోని ఓ ఇంటిపై బాంబుల వర్షం కురిపించింది. ఈ ఘటనలో ఒకే కుటుంబానికి చెందిన ఏడుగురితో పాటు మొత్తం 10 మంది మృత్యువాత పడ్డారు. మరణించిన వారిలో నలుగురు మహిళలు, ఇద్దరు చిన్నారులు ఉన్నారు. మరో 13 మంది గాయపడ్డారు. మరో ఘటనలో గాజా సిటీలోని ఓ ఇంటిపై ఇజ్రాయెల్‌ జరిపిన వైమానిక దాడిలో ఆరుగురు పౌరులు ప్రాణాలు కోల్పోయారు. హమాస్‌, ఇజ్రాయెల్‌ యుద్ధం కారణంగా ఇప్పటి వరకు 41 వేల మంది చనిపోయినట్లు గాజా ఆరోగ్యశాఖ తెలిపింది.
Updated Date - Sep 17 , 2024 | 04:09 AM
