Watch Video: తోపు లెక్క పుతిన్ భుజంపైనే చేయి వేశాడు.. కట్ చేస్తే బిగ్ ట్విస్ట్..
ABN, Publish Date - Jan 04 , 2024 | 11:27 AM
పుతిన్‌తో కలిసి ఫోటో దిగారు మెక్‌గ్రేగర్. సాధారణంగా ఫోటో దిగితే పెద్ద మ్యాటర్ అయ్యిండేది కాదు. కానీ గ్రేగర్ మాత్రం ఏకంగా పుతిన్ భుజంపై చేయి వేసి ఫైటర్ మాదిరిగా ఫోజులు ఇచ్చాడు. కానీ, అంతలోనే బిగ్ ట్విస్ట్ ఇచ్చారు పుతిన్ పర్సనల్ సెక్యూరిటీ ఆఫీసర్స్.
పుతిన్.. రష్యా అధినేతగానే కాదు.. పవర్‌ఫుల్‌ లీడర్‌ గానూ ప్రసిద్ధి. 1999 నుంచి రష్యాకు ప్రధాన మంత్రిగా, లేకపోతే అధ్యక్షుడిగా కంటిన్యూ అవుతూ వస్తున్నారు. 2012 నుంచి ఇప్పటి వరకు రష్యా అధ్యక్షుడిగా కొనసాగుతున్న పుతిన్.. తన నిర్ణయాలతో యావత్ ప్రపంచాన్ని హడలెత్తిస్తుంటారు. అందుకే.. పుతిన్ విషయంలో అగ్రరాజ్యం అమెరికా సైతం ఆచితూచి అడుగులు వేస్తుంది. కానీ, ప్రపంచాన్నే వణికించే పుతిన్‌ను ఓ వ్యక్తి చాలా సాధారణ వ్యక్తిగా ట్రీట్ చేశాడు. పుతిన్ భుజంపై చేయి వేసి మరీ ఫోటోలకు ఫోజులు ఇచ్చాడు. కానీ, అంతలోనే బిగ్ ట్విస్ట్ ఇచ్చారు సెక్యూరిటీ అధికారులు. మరి అసలేం జరిగిందో ఓసారి తెలుసుకుందాం..
ఐర్లాండ్ దేశానికి చెందిన కోనార్ మెక్గ్రెగర్.. ప్రపంచ వ్యాప్తంగా మంచి గుర్తింపు పొందిన ప్రొఫెషనల్ బాక్సర్. ఎన్నో విజయాలు సాధించాడు. గొప్ప గొప్పవాళ్లను తన పంచ్‌లతో మట్టికరిపించి టైటిల్స్ కైవసం చేసుకున్నాడు. అయితే, ఇటీవల రష్యా అద్యక్షుడు వ్లాదిమిర్ పుతిన్‌ను కలిశారు గ్రెగర్. ఈ సందర్భంగా పుతిన్‌తో కలిసి ఫోటో దిగారు మెక్‌గ్రేగర్. సాధారణంగా ఫోటో దిగితే పెద్ద మ్యాటర్ అయ్యిండేది కాదు. కానీ గ్రేగర్ మాత్రం ఏకంగా పుతిన్ భుజంపై చేయి వేసి ఫైటర్ మాదిరిగా ఫోజులు ఇచ్చాడు. కానీ, అంతలోనే బిగ్ ట్విస్ట్ ఇచ్చారు పుతిన్ పర్సనల్ సెక్యూరిటీ ఆఫీసర్స్. ఏయ్ చెయ్యి తీయ్ అన్నట్లుగా పక్కనే ఉన్న సెక్యూరీ గ్రేగర్‌ను హెచ్చరించాడు. దీంతో దెబ్బకు గ్రేగర్ తన చేయిని పుతిన్ భుజం పైనుంచి తీశాడు. అనంతరం బుద్ధిగా రెండు చేతులు కట్టుకుని నిల్చుని పుతిన్‌తో ఫోటో దిగాడు.
కోనార్ మెక్గ్రెగర్, పుతిన్ కలిసి ఫోటో దిగుతున్న వీడియో ఇప్పుడు సోషల్ మీడియాలో వైరల్ అవుతోంది. ఈ వీడియోను చూసిన నెటిజన్లు ఫన్నీ కామెంట్స్ చేస్తున్నారు. గ్రెగర్ గొప్ప బాక్సర్ అయితే కావొచ్చు.. కానీ అక్కడున్నది పుతిన్. ప్రపంచంలోనే అతిపెద్ద దేశానికి అధినేత అన్న విషయం మరువొద్దు అని హితవుచెబుతున్నారు. మొత్తానికి ఈ వీడియోపై మిక్స్‌డ్ రెస్పాండ్స్ వస్తున్నాయి.
Updated Date - Jan 04 , 2024 | 11:27 AM
