Viral Video: రామచరితమానస్ శ్లోకం పఠించిన ముస్లిం యువకుడు.. ప్రశంసించిన సీఎం
ABN, Publish Date - Feb 03 , 2024 | 09:44 PM
మరోసారి మత సామరస్యం వెల్లివిరిసింది. అవును ఓ ముస్లిం యువకుడు రామచరిత్ మానస్ తప్పులు లేకుండా అద్భుతంగా పారాయణం చేశాడు. ఆ క్రమంలో చూసిన సీఎం అతని ప్రతిభను చూసి మెచ్చుకున్నాడు. అందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
మతానికి హద్దులు ఉండవచ్చు, ఉండకపోవచ్చు. కానీ భావోద్వేగాలకు మాత్రం హద్దులు ఉండవు. భావోద్వేగాలు ఉప్పొంగినప్పుడు మతం హద్దులు కూడా అప్పుడప్పుడు దాటుతాయని చెప్పవచ్చు. అయితే తాజాగా ఒక ముస్లిం యువకుడు యోగి ఆదిత్యనాథ్‌(yogi adityanath)కు రామచరిత్ మానస్ పారాయణం చేస్తూ కనిపించారు. ఆ క్రమంలో చూసిన సీఎం యోగి అతని ప్రతిభను చూసి చప్పుట్లు కొట్టి భుజం తట్టి ప్రశంసించారు.
వీడియోలో ముస్లిం యువకుడు గురు బ్రహ్మ గురు విష్ణు, గురు దేవో మహేశ్వర గురు సాక్షాత్ పరబ్రహ్మ, తస్మై శ్రీ గురవే నమః మంత్రం సహా తదితర మంత్రాలను జపించారు. దీంతోపాటు అతను ముఖ్యమంత్రికి రామచరితమానస్ వచనాన్ని కూడా వివరించారు. గోరఖ్‌పూర్‌లో 'డివైన్ ఆర్ట్ అండ్ స్కిల్స్ ఎగ్జిబిషన్' ప్రారంభోత్సవం సందర్భంగా సీఎం యోగి వికలాంగులకు ట్రైసైకిళ్లు, ఉపకరణాలు పంపిణీ చేసిన సందర్భంగా ఈ సంఘటన చోటుచేసుకుంది.
ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. ఇప్పటికే ఈ వీడియో చూసిన పలువురు గ్రేట్ అని మెచ్చుకుంటున్నారు. ఈ వీడియోపై మీ అభిప్రాయాన్ని కామెంట్ రూపంలో తెలియజేయండి.
మరిన్ని తాజా వార్తల కోసం ఇక్కడ క్లిక్ చేయండి: Virat Kohli: కోహ్లీ, అనుష్క శర్మలకు రెండో చైల్డ్.. డెవిలియర్స్ కీలక ప్రకటన
Updated Date - Feb 03 , 2024 | 09:44 PM
