Food: విహారానికి వెళ్ళాలనుకుంటే మాత్రం అక్కడి ఫుడ్స్ మిస్ కాకండే... !
ABN, Publish Date - Jan 11 , 2024 | 04:30 PM
ఓ ప్రదేశానికి వెళుతున్నాం అంటే అక్కడి వంటకాలను రుచి చూసి వాటికి అభిమానులం అయిపోవాలి అంతే.. అలా వెళ్లే ప్రదేశంలో కనిపించే కొత్త రుచుల జాబితాను కూడా తెలుసుకోవాలి.
ఎక్కడికైనా ప్రయాణం కడుతున్నాం అంటే ముందుగా ఆలోచించే విషయం అక్కడ ఎలాంటి ఆహారం దొరకుతుందో అనుకుంటాం. మన రుచులకు సరిగ్గా ఉంటాయా అని ఇలా తెగ ఆలోచిస్తాం. తినే విషయంగా మనకున్న కంగారు అంతా ఇంతా కాదు. అయితే ఓ ప్రదేశానికి వెళుతున్నాం అంటే అక్కడి వంటకాలను రుచి చూసి వాటికి అభిమానులం అయిపోవాలి అంతే.. అలా వెళ్లే ప్రదేశంలో కనిపించే కొత్త రుచుల జాబితాను కూడా తెలుసుకోవాలి. లక్షద్వీప్‌లోని రకరకాల వంటకాల గురించి తెలుసుకుందాం.
నోరూరించే ఈ వంటకాలకు మీరు కూడా అభిమానులుగా మారిపోవడం మాత్రం ఖాయం. అక్కడ దొరికే ఐదు వంటకాలు ఇవే..
1. మాస్ పొడిచాతు ..'మాస్' అనేది స్థానిక భాషలో ఎండిన చేప అని అర్థం. చేపను ముక్కలుగా కట్ చేసి, తురిమిన కొబ్బరి, హల్దీ, వెల్లుల్లి, ఉల్లిపాయలు, మసాలా దినుసులతో కలిపి చేస్తారు. ఇది చాలా ప్రత్యేకమైన రుచిని ఇస్తుంది. అన్నంతో కలిపి తింటే బావుంటుంది.
2. కిలాంజి... ఈ ప్రత్యేకమైన డెజర్ట్ క్లాసిక్ క్రేప్‌కి దేశీ వెర్షన్ లాగా ఉంటుంది. బియ్యం, గుడ్లు పిండితో తయారు చేస్తారు, ఇది సూపర్ క్రిస్పీగా ఉంటుంది. కొబ్బరి పాలు, అరటిపండ్లు, బెల్లంతో తయారుచేసిన ఈ తీపి కిలంజీని బాగా ఆస్వాదించవచ్చు. ఇక్కడ ప్రయత్నించడానికి సులభమైన వంటకం ఇది.
3. మస్ కవాబ్.. లక్షద్వీప్‌లో తప్పక ప్రయత్నించవలసిన మరో రుచికరమైన వంటకం మస్ కవాబ్. ఈ వంటకం మాస్ పొడిచాతుని పోలి ఉంటుంది. అయితే దీన్ని 'మస్' అనే ఎముకలేని చేపతో తయారుచేస్తారు. చేపకు స్పైసీ మసాలాల పేస్ట్‌తో మెరినేట్ చేసి, ఆపై టమోటా కూరలో కలిపి వండుతారు. కొత్తిమీరతో అలంకరించడం వల్ల డిష్‌కి తాజాదనం వస్తుంది.
ఇది కూడా చదవండి: పిల్లలు తినేందుకు ఇష్టపడటం లేదా.. ఇది చిన్న సమస్య కాదుమరి..!
4. ఆక్టోపస్ ఫ్రై... దీన్ని తయారు చేయడానికి, బేబీ ఆక్టోపస్‌ను పచ్చిమిర్చి, వెల్లుల్లి, మరికొన్ని మసాలాలతో కలిపి వేయించాలి. ఈ క్రిస్పీ, స్పైసీ స్నాక్ బీచ్‌లో సాయంత్రం సమయంలో ఆనందించడానికి సరైంది.
5. కదలక్క.. ఈ ద్వీపంలో నోరూరించే మరో డెజర్ట్. ఇది పప్పు, గుడ్లతో చేసే కేక్. ఇది సాంప్రదాయకంగా ప్రెజర్ కుక్కర్‌లో వండుతారు, ఇది సూపర్ సాఫ్ట్, చాలా ఆరోగ్యకరమైనది. ఇది బాదం, ఎండుద్రాక్ష కలిపి తయారు చేస్తారు.
Updated Date - Jan 11 , 2024 | 04:30 PM
