Viral Video: ఆహా.. ఏం తెలివి బాసూ.. కారు వైపర్స్ పని చేయకపోవడంతో ఏం చేశాడో చూడండి.. వైరల్ అవుతున్న వీడియో!
ABN, Publish Date - Mar 11 , 2024 | 07:59 PM
మన దేశంలో కొందరు వ్యక్తులు పెద్ద పెద్ద సమస్యలకు కూడా సులభమైన పరిష్కారాలు కనుగొంటూ ఉంటారు. అవసరానికి అనుగుణంగా ఏదో ప్లాన్ వేసి సమస్య నుంచి బయటపడుతుంటారు. ప్రస్తుతం వైరల్ అవుతున్న ఓ వీడియో చూస్తే షాక్ అవక తప్పదు.
మన దేశంలో కొందరు వ్యక్తులు పెద్ద పెద్ద సమస్యలకు కూడా సులభమైన పరిష్కారాలు కనుగొంటూ ఉంటారు. అవసరానికి అనుగుణంగా ఏదో ప్లాన్ వేసి సమస్య నుంచి బయటపడుతుంటారు. ప్రస్తుతం వైరల్ అవుతున్న ఓ వీడియో (Jugaad Videos) చూస్తే షాక్ అవక తప్పదు. వర్షంలో (Rain) వెళ్తున్న కారు వైపర్స్ (Car wipers) పాడైపోతే.. దానికి ఆ దంపతులు కనుగొన్న పరిష్కారం ఏంటో చూస్తే వారి తెలివికి ఫిదా కావాల్సిందే. ఆ వీడియో (Viral Video) సోషల్ మీడియాలో హల్‌చల్ చేస్తోంది.
pubity అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో భార్యాభర్తలు కారులో ఎక్కడికో వెళ్తున్నారు. వర్షం పడుతుండగా కారు వైపర్స్ చెడిపోయాయి. వర్షంలో కారు వైపర్స్ లేకుండా ప్రయాణించడం ఎంత ప్రమాదకరమో తెలిసిందే. అలాంటి పరిస్థితుల్లో ఆ జంట అద్భుతమైన ప్లాన్ వేసింది. కారులో కూర్చున్న మహిళ రెండు వైపర్‌లకు రెండు పొడవాటి తాళ్లను కట్టి తన చేతులతో లాగుతోంది. దీంతో వైపర్లు అటూ ఇటూ కదులుతూ కారు అద్దాన్ని శుభ్రం చేస్తున్నాయి.
ఈ వీడియో సోషల్ మీడియాలో వైరల్‌గా మారింది. ఈ వీడియోకు మిలియన్ల కొద్దీ వ్యూస్ వచ్చాయి. 1.6 లక్షల మందికి పైగా లైక్ చేశారు. ఈ వీడియోపై నెటిజన్లు తమదైన శైలిలో కామెంట్లు చేశారు. ``వైపర్లు బాగు చేయించడానికి బదులు భార్యను కారులో ఇన్‌స్టాల్ చేశాడు``, ``అలాంటి భార్య ఉంటే ఎంత అదృష్టమో``, ``వారిని పొగడడానికి మాటలు చాలడం లేదు`` అంటూ నెటిజన్లు కామెంట్లు చేశారు.
Updated Date - Mar 11 , 2024 | 07:59 PM
