MS Dhoni: పాత సహచరులను కలిసిన ధోనీ.. పార్టీ చేసుకున్న జహీర్, నెహ్రా, ధోనీ, పార్థివ్ పటేల్!
ABN, Publish Date - Feb 11 , 2024 | 08:59 PM
టీమిండియా మాజీ ఆటగాళ్లు జహీర్ ఖాన్, ఆశిష్ నెహ్రా, పార్థివ్ పటేల్, ధోనీ కలిసి ఓ రెస్టారెంట్‌కు వెళ్లారు. ఆ ఫొటో సోషల్ మీడియాలో వైరల్ అవుతోంది.
టీమిండియా మాజీ కెప్టెన్ మహేంద్ర సింగ్ ధోనీ (MS Dhoni) ఇటీవల తన పాత టీమ్ మేట్స్‌తో కలిసి కొంత సమయం సరదాగా గడిపాడు. టీమిండియా మాజీ ఆటగాళ్లు జహీర్ ఖాన్, ఆశిష్ నెహ్రా, పార్థివ్ పటేల్, ధోనీ కలిసి ఓ రెస్టారెంట్‌కు వెళ్లారు. ధోని నాయకత్వంలో 2011 ప్రపంచకప్ గెలిచిన భారత జట్టులో నెహ్రా, జహీర్ ఉన్నారు. ధోనీ, పార్థివ్ టీమిండియా తరఫున కలిసి ఆడిన మ్యాచ్‌లు తక్కువే అయినా.. ధోనీ సారథ్యంలో చెన్నై సూపర్ కింగ్స్ తరఫున పార్థివ్ పటేల్ ఆడాడు.
వీరు నలుగురూ ఇటీవల డిన్నర్ కోసం ఓ రెస్టారెంట్‌లో కలుసుకున్నారు. నలుగురూ ఒకే సోఫాపై కూర్చుని చిరునవ్వులు చిందిస్తూ ఉన్న ఫొటోను పార్థివ్ పటేల్ సోషల్ మీడియాలో పోస్ట్ చేశాడు. ఆ ఫొటో సోషల్ మీడియాలో వైరల్ అవుతోంది. జహీర్ ఖాన్, ఆశిష్ నెహ్రా, పార్థివ్ పటేల్ ఇప్పటికే అన్ని రకాల క్రికెట్ నుంచి రిటైర్ అయ్యారు. ఇక, అంతర్జాతీయ క్రికెట్‌కు వీడ్కోలు పలికిన ధోనీ ఐపీఎల్‌లో మాత్రం ఆడుతున్నాడు.
Updated Date - Feb 11 , 2024 | 08:59 PM
