Mangalagiri Lokesh: మంగళగిరి సర్వే రిపోర్టు చూసి చంద్రబాబు లోకేశ్‌కు ఎన్ని మార్కులేశారంటే..
ABN, First Publish Date - 2022-10-28T20:12:56+05:30
‘మంగళగిరి నియోజకవర్గంలో సేవా కార్యక్రమాలను బాగా చురుకుగా చేస్తున్నారు. తరచుగా పర్యటిస్తూ క్షేత్రస్థాయిలో ప్రజల సమస్యలను తెలుసుకుంటున్నారు. కొన్ని సమస్యల పరిష్కారానికి సొంతంగానే..
బాగానే ఉంది.. ఇంకా పట్టు బిగించాలి
మంగళగిరి నియోజకవర్గ సమీక్షలో లోకేశ్‌తో చంద్రబాబు
మంగళగిరి: ‘మంగళగిరి నియోజకవర్గంలో సేవా కార్యక్రమాలను బాగా చురుకుగా చేస్తున్నారు. తరచుగా పర్యటిస్తూ క్షేత్రస్థాయిలో ప్రజల సమస్యలను తెలుసుకుంటున్నారు. కొన్ని సమస్యల పరిష్కారానికి సొంతంగానే కృషి చేస్తున్నారు. తాజా సర్వే రిపోర్టు సంతృప్తికరంగా బాగానే ఉంది. అయినప్పటికీ.. ఇంకా పట్టు బిగించే విధంగా పనితీరును మరింత మెరుగు పరుచుకోవాలి’ అని టీడీపీ జాతీయ అధ్యక్షుడు నారా చంద్రబాబునాయుడు టీడీపీ మంగళగిరి నియోజవర్గ ఇన్‌చార్జి నారా లోకేశ్‌కు సూచించారు. ఉండవల్లి కరకట్ట సమీపంలోని తన నివాసంలో చంద్రబాబు గురువారం మంగళగిరిలో పార్టీ పరిస్థితిపై లోకేశ్‌తో సమీక్షించారు. నియోజకవర్గంలో పార్టీ సభ్యత్వ నమోదు, బాదుడే బాదుడు కార్యక్రమం జరుగుతున్న తీరును గురించి పార్టీ అధినేతకు లోకేశ్‌ వివరిం చారు. పార్టీ కార్యక్రమాలన్నింటిపై డాష్‌ బోర్డును చూసి చంద్రబాబు కొన్ని సలహాలు, సూచనలను లోకేశ్‌కు సూచించారు. నియోజకవర్గంలో పార్టీ పరిస్థితి పూర్తి సంతృప్తికరంగానే వున్నప్పటికీ మరింత గట్టిగా నియోజకవర్గ వ్యవహారాలపై దృష్టి సారించాలని చంద్రబాబు అన్నారు.
Updated Date - 2022-10-28T22:04:34+05:30 IST