AP News: రేపు ఉమ్మడి పశ్చిమగోదావరి జిల్లాలో చంద్రబాబు పర్యటన
ABN, First Publish Date - 2022-11-29T17:21:42+05:30
Amaravathi: టీడీపీ(TDP) అధినేత నారా చంద్రబాబు నాయుడు (Chandra Babu Naidu) పర్యటన ఖరారైంది. ఆయన రేపటి నుంచి ఉమ్మడి పశ్చిమగోదావరి జిల్లాలో పర్యటించనున్నారు. ‘ఇదేం కర్మ మన రాష్ట్రానికి’ పేరుతో మూడు రోజులపాటు ఆరు నియోజకవర్గాల్లో కలియ తిరగనున్నారు. బాబు పర్యటనపై టీడీపీ నాయకులు ఇప్పటికే ఉమ్మడి పశ్చిమగోదావరి జిల్లా పోలీసులకు సమాచారం ఇచ్చారు. రేపు
Amaravathi: టీడీపీ(TDP) అధినేత నారా చంద్రబాబు నాయుడు (Chandra Babu Naidu) పర్యటన ఖరారైంది. ఆయన రేపటి నుంచి ఉమ్మడి పశ్చిమగోదావరి జిల్లాలో పర్యటించనున్నారు. ‘ఇదేం కర్మ మన రాష్ట్రానికి’ పేరుతో మూడు రోజులపాటు ఆరు నియోజకవర్గాల్లో కలియ తిరగనున్నారు. బాబు పర్యటనపై టీడీపీ నాయకులు ఇప్పటికే ఉమ్మడి పశ్చిమగోదావరి జిల్లా పోలీసులకు సమాచారం ఇచ్చారు. రేపు చంద్రబాబు పర్యటించనున్న మార్గంలో వైసీపీ (YCP) నేతలు ఈ రోజు మరో కార్యక్రమాన్ని నిర్వహించారు. ఇందులో దెందులూరు ఎమ్మెల్యే అబ్బయ్య చౌదరి, శాప్ చైర్మన్ బైరెడ్డి సిద్ధార్థ రెడ్డి పాల్గొన్నారు. ఈ నేపథ్యంలో టీడీపీ నేత వర్ల రామయ్య (Varla Ramaiah) డీజీపీకి లేఖ రాశారు. చంద్రబాబు టూర్‌ను భగ్నం చేయడానికి వైసీపీ నేతలు ప్రయత్నిస్తున్నారని లేఖలో పేర్కొన్నారు. చంద్రబాబుకు భద్రత పెంచాలని కోరారు. చంద్రబాబు పర్యటనకు వైసీపీ మద్దతుదారులు, సంఘవిద్రోహుల నుంచి అంతరాయం కలగకుండా చర్యలు తీసుకోవాలని విజ్ఞప్తి చేశారు. చంద్రబాబు పర్యటన మార్గంలో టీడీపీ జెండాలు, పోస్టర్లు కనిపంచకుండా వైసీపీ నాయకులు పార్టీ బ్యానర్లు, ఫ్లెక్సీలతో నింపివేశారు.
Updated Date - 2022-11-29T17:33:47+05:30 IST