Sajjala: కావాలనే ఇరుకు రోడ్డులో సభ.. కందుకూరు ఘటనకు చంద్రబాబు బాధ్యత వహించాలి
ABN, First Publish Date - 2022-12-29T18:49:03+05:30
కందుకూరులో జరిగిన తొక్కిసలాట ఘటనకు టీడీపీ (TDP) అధినేత చంద్రబాబు (Chandrababu) బాధ్యత వహించాలని ఏపీ ప్రభుత్వ సలహాదారు సజ్జల రామకృష్ణారెడ్డి (Sajjala Ramakrishna Reddy) డిమాండ్ చేశారు.
నెల్లూరు జిల్లాలోని కందుకూరులో జరిగిన తొక్కిసలాట ఘటనకు టీడీపీ (TDP) అధినేత చంద్రబాబు (Chandrababu) బాధ్యత వహించాలని ఏపీ ప్రభుత్వ సలహాదారు సజ్జల రామకృష్ణారెడ్డి (Sajjala Ramakrishna Reddy) డిమాండ్ చేశారు. కావాలనే ఇరుకు రోడ్డులో చంద్రబాబు సభ పెట్టారని సజ్జల విమర్శించారు. జనం ఎక్కువగా వచ్చారని చూపించేందుకే ఇరుకు రోడ్డులో చంద్రబాబు సభ తలపెట్టారని సజ్జల ఆరోపించారు.
అంతకుముందు నెల్లూరు జిల్లా (Nellore District)లోని బుధవారం రోజు కందుకూరులో చంద్రబాబు సభలో తొక్కిసలాట జరిగి ఎనిమిది మంది మృతి చెందారు. ప్రమాద విషయం తెలియగానే రాత్రి 10.40 గంటల ప్రాంతంలో జేసీ కూర్మనాథ్‌, ఎస్పీ విజయరావు కందుకూరుకు వచ్చి.. ప్రమాద స్థలిని ఎస్పీ పరిశీలించారు. ఏరియా ఆసుపత్రిలో ఉన్న క్షతగాత్రులతో ఇరువురూ మాట్లాడి వివరాలు సేకరించారు. కాగా, రాత్రి 10 గంటల ప్రాంతంలోనే సబ్‌కలెక్టర్‌ శోభిక ఆసుపత్రికి చేరుకుని క్షతగాత్రులతో మాట్లాడారు.
Updated Date - 2022-12-29T18:54:34+05:30 IST