CM Jagan: రేపు బాటప్లలో సీఎం జగన్ పర్యటన
ABN, First Publish Date - 2022-12-20T13:55:22+05:30
ముఖ్యమంత్రి జగన్ మోహన్ రెడ్డి రేపు(బుధవారం) బాపట్ల జిల్లా వేమూరు నియోజకవర్గం యడ్లపల్లిలో పర్యటించనున్నారు.
అమరావతి: ముఖ్యమంత్రి జగన్ మోహన్ రెడ్డి (AP CM Jaganmohan Reddy) రేపు(బుధవారం) బాపట్ల జిల్లా వేమూరు నియోజకవర్గం యడ్లపల్లిలో పర్యటించనున్నారు. యడ్లపల్లి జిల్లా పరిషత్‌ ఉన్నత పాఠశాలలో 8వ తరగతి విద్యార్ధులకు ట్యాబ్‌ల పంపిణీ కార్యక్రమంలో సీఎం (AP CM) పాల్గొంటారు. ఉదయం 10 గంటలకు తాడేపల్లి నివాసం నుంచి బయలుదేరి 11 గంటలకు యడ్లపల్లి జిల్లా పరిషత్‌ ఉన్నత పాఠశాలకు చేరుకుంటారు. 11:00 గంటల నుంచి 1:00 గంట వరకు 8వ తరగతి విద్యార్ధులకు ట్యాబ్‌ల పంపిణీ కార్యక్రమం, బహిరంగ సభలో సీఎం ప్రసంగిస్తారు. మధ్యాహ్నం 1:30 గంటలకు అక్కడి నుంచి బయలుదేరి 2:00 గంటలకు తిరిగి తాడేపల్లి నివాసానికి ముఖ్యమంత్రి జగన్ చేరుకుంటారు.
Updated Date - 2022-12-20T13:55:23+05:30 IST