Shocking: ప్లాట్‌ఫామ్‌పై నడుచుకుంటూ వెళుతున్న వ్యక్తి.. ఇంతలో ఎంత దారుణం జరిగిందంటే..
ABN, First Publish Date - 2022-11-15T16:01:25+05:30
ఆ వ్యక్తి అంబాలా కాంట్ రైల్వే స్టేషన్‌లో స్వీపర్‌గా పని చేస్తున్నాడు.. సోమవారం రాత్రి ఒకటో నెంబర్ ప్లాట్‌ఫామ్‌పై నడుచుకుంటూ వెళ్తుండగా ఓ మానసిక వ్యాధిగ్రస్తుడు అతడిని కదులుతున్న రైలు కిందకు తోసేశాడు..
ఆ వ్యక్తి అంబాలా కాంట్ రైల్వే స్టేషన్‌లో స్వీపర్‌గా పని చేస్తున్నాడు.. సోమవారం రాత్రి 12:30 గంటల సమయంలో ఒకటో నెంబర్ ప్లాట్‌ఫామ్‌పై నడుచుకుంటూ వెళ్తున్నాడు.. అదే సమయంలో ఓ మానసిక వ్యాధిగ్రస్తుడు ఎదురుగా వస్తూ ఆ స్వీపర్‌ను కదులుతున్న రైలు కిందకు తోసేశాడు.. ఆ ప్రమాదంలో ఆ స్వీపర్ ఎడమ చేయిని కోల్పోయాడు.. ఆ ఘటన మొత్తం రైల్వే స్టేషన్‌లో అమర్చిన సీసీటీవీ కెమేరాలో రికార్డు అయింది.. ఆ మానసిక వ్యాధిగ్రస్తుడిని పోలీసులు అదుపులోకి తీసుకున్నారు.
హర్యానాలోని అంబాలా కాంట్ రైల్వే స్టేషన్‌లో మహేంద్ర అనే వ్యక్తి స్వీపర్‌గా పని చేస్తున్నాడు. సోమవారం రాత్రి అదే స్టేషన్‌కు మానసిక అనారోగ్యంతో ఉన్న యువకుడు వచ్చాడు. సోమవారం రాత్రి 12:30 గంటలకు ప్లాట్‌ఫారమ్ నంబర్-1పై మహేంద్ర విధులు నిర్వర్తిస్తున్నాడు. ఆ సమయంలో మహేంద్రను మానసిక వ్యాధిగ్రస్తుడు వేగంగా వెళుతున్న రైలు కిందకు తోసేశాడు. రైలు కింద పడిన మహేంద్ర ఎడమ చేయి తెగిపోయింది. ఈ ఘటనతో స్టేషన్‌లో గందరగోళం నెలకొంది. ఈ ఘటన సీసీటీవీ కెమెరాలో రికార్డైంది. మానసిక వ్యాధిగ్రస్తుడిని పోలీసులు అదుపులోకి తీసుకున్నారు.
Updated Date - 2022-11-15T16:01:27+05:30 IST