Jackpot: లక్ అంటే ఈ పెద్దాయనదే.. ఏకంగా 6 లాటరీలు తగిలాయి.. ఇంతకీ ఎంత గెలుచుకున్నాడంటే..
ABN, First Publish Date - 2022-12-25T08:57:46+05:30
జీవితంలో ఒక్కసారైనా లాటరీ (Lottery) తగులుతుందేమోనని ఆశగా ఎదురుచూసేవారు కోకొల్లలు.
బోస్టన్: జీవితంలో ఒక్కసారైనా లాటరీ (Lottery) తగులుతుందేమోనని ఆశగా ఎదురుచూసేవారు కోకొల్లలు. ఒక్కసారి లాటరీ తగిలితే చాలు రాత్రికి రాత్రే జీవితాలు మారిపోతాయని అనుకుంటారు. ఆ అదృష్టం అందరికీ వరించదు. నూటికో కోటికో ఒకరి వరిస్తుంది. కానీ అమెరికాకు (America) చెందిన ఓ పెద్దాయనకు మాత్రం అదృష్టం ఓరేంజ్‌లో ఉందని చెప్పొచ్చు. ఒకసారి లాటరీ తగిలితే చాలు అని ఆశగా చూసే వారు అసూయ పడేలా ఏకంగా ఆరు లాటరీలు గెలిచాడు. వాటి ద్వారా అతడు కోట్ల రూపాయలు గెలుచుకుని రాత్రికి రాత్రే కోటీశ్వరుడయ్యాడు. అమెరికాలోని బోస్టన్‌‌కు చెందిన రేమండ్ రాబర్ట్స్ (Raymond Roberts) విషయంలోనే ఇది జరిగింది.
అతడు గెలుచుకున్న ఆరు లాటరీల ప్రైజ్‌మనీ విలువ 20లక్షల డాలర్లకు (రూ.16.52కోట్లు) పైమాటే. ఇందులో ఐదు లాటరీల ద్వారా 3.90లక్షల డాలర్లు (రూ.3.22కోట్లు) నగదు రూపంలో తీసుకున్నాడు. చివరి లాటరీని ఏడాదికి 25వేల డాలర్ల (రూ. 20.65లక్షలు) చొప్పున 20ఏళ్ల పాటు చెల్లించేలా నిర్వాహకులతో ఒప్పందం చేసుకున్నాడు. తాను పాతికేళ్లుగా లాటరీ టికెట్లు కొనుగోలు చేస్తున్నట్లు ఈ సందర్భంగా రేమండ్ చెప్పుకొచ్చాడు. ఇక ఇలా ఒకేసారి ఆరు లాటరీలు గెలిచిన ఈ తాత విషయం తెలిసిన నెటిజన్లు 'లక్ అంటే ఈ పెద్దాయనదే' అంటూ కామెంట్ చేస్తున్నారు.
Updated Date - 2022-12-25T11:05:13+05:30 IST