America: అయిష్టంగానే పార్టీలో గిఫ్ట్ మార్చుకుంది.. కానీ అదే ఆమెకు కలిసొచ్చింది.. ఇంతకూ ఏం జరిగిందంటే!
ABN, First Publish Date - 2022-12-26T14:28:50+05:30
ఆమె ఓ సంస్థలో గత కొన్నేళ్లుగా ఉన్నత ఉద్యోగం చేస్తోంది. ఈ క్రమంలోనే తాజాగా ఆమె పని చేస్తున్న ఆఫీసులో గిఫ్ట్ ఎక్స్చేంజ్ పార్టీ(Gift Exchange Party) జరిగింది. ఇందులో భాగంగానే ఆమెకు వచ్చిన..
ఎన్నారై డెస్క్: ఆమె ఓ సంస్థలో గత కొన్నేళ్లుగా ఉన్నత ఉద్యోగం చేస్తోంది. ఈ క్రమంలోనే తాజాగా ఆమె పని చేస్తున్న ఆఫీసులో గిఫ్ట్ ఎక్స్చేంజ్ పార్టీ(Gift Exchange Party) జరిగింది. ఇందులో భాగంగానే ఆమెకు వచ్చిన ఓ గిఫ్ట్ కార్డును మరొకరికి ఇవ్వాల్సి వచ్చింది. అది ఆమెకు నచ్చలేదు. అయిష్టంగానే తన గిఫ్ట్‌ను మరొకరికి ఇచ్చింది. అయితే.. అదే ఆమెకు కలిసొచ్చింది. ఏకంగా కోటీశ్వరురాలైంది. ఈ నేపథ్యంలో ఇందుకు సంబంధించిన పూర్తి వివరాల్లోకి వెళితే..
ఆమె పేరు లోరి జేన్స్(Lori Janes). అమెరికాలోని కెంటుకీ‌లో నివాసం ఉంటున్నారు. హార్మన్ డెంటల్ సెంటర్‌(Harmon Dental Center)లో మేనేజర్‌గా విధులు నిర్వర్తిస్తున్నారు. తాజాగా ఆమె పని చేస్తున్న కార్యాలయంలో Gift Exchange Party జరిగింది. ఈ క్రమంలో ఆమె రూ.2వేల విలువైన గిఫ్ట్ కార్డు పొందింది. అయితే ఆ గిఫ్ట్ కార్డును ఆమె మరొకరికి ఇవ్వాల్సి వచ్చింది. వాళ్ల వద్ద ఉన్న గిఫ్ట్‌ను ఈమె తీసుకోవాల్సి వచ్చింది. ఈ క్రమంలోనే అయిష్టంగా ఆమె తన గిఫ్ట్‌ను ఎక్స్చేంజ్(Gift Exchange Party) చేసుకుంది. ఈ నేపథ్యంలోనే ఆమెను అదృష్టం వరించింది. గిఫ్ట్‌గా రూపంలో వచ్చిన లాటరీ టికెట్‌కు జాక్ పాట్ తగిలింది. ఏకంగా 1,75,000 డాలర్లు (సుమారు రూ.1.4కోట్లు) గెలుచుకుంది. దీంతో ఆమె ఆనందానికి అవధుల్లేకుండా పోయాయి.
Updated Date - 2022-12-26T14:36:54+05:30 IST